من بطولات الشيخ منقاش ، الحلقه الأولى .
 

قبل كم سنه جاني كبار جمعية الرفق بالحيوان في بلاد ثماله وقالوا : تكفى يا شيخ منقاش نبغيك تمثلنا في سفره سد البحور , نبعيك تسافر لديار الكواريه وتجلب لنا سر من الاسرار نحسن به فصايل الحمير اللي لها نهيق ولا عاد منها فايده وملت حمى ثماله .
رديت عليهم وقلت : خير ياطير , وليش أخترتم الشيخ منقاش ؟. قالوا : يا منقاش أنت رجال تفهمها وهي طايره , وغيرك توقع على راسه وتاكل من الحشرات اللي معششه في جمجمته وهو فاغر فمه للذبان تدخل وتخرج ما يدري عنها (يقصدون مخاويني وابو أمجد وابو تركي وابن عزاب وباقي الشله), واهمها يا شيخ أنك رجال راعي حمير ولا مثلك أحد بهذا البلد يعرف خيارها واسرارها .
نبغيك الله يبقيك ويطول في عمرك ولا يعدمنا منك تسافر ديرة الكواريه الجنوبين ومعك عكه (سقاء صغير) نملاها لك بدم الحمير, وتغدي بها لهاك الديار حتى تصل عندهم وتطلبهم يفككون أسرارها(جيناتها) ويعدلونها ويطلعون لنا منها فصيله جديده ومحسنه فيها من قوة الثيران وسرعة ورشاقة الخيل وصبر الجمال ولحم نعيميات الشمال ,, وترانا نبي نفرق لك قيمة التذاكر وتكاليف سكنك ومعيشتك ومواصلاتك وكل لوازمك وعليها تطيبة خاطر تسرك, ونبي نرسل معك ترجمان من الكيران (الكواريه) اللي في بلاد ثماله .
قبلت طلبهم وسافرت , ولا هو مهم تعرفون تفاصيل السفر,, المهم تعرفون منقاش في حزة الله الله , وساعة الوقفه و النخوه كيف يتحول الشيخ منقاش لأسد من حمران العيون يفترس كل السباع اللي تقف في دربه , ويساعد كل من ضاقت عليه دنياه والا طرحه حظه العاثر في ورطه ما عرف يخرج منها .
الى عند الوقفه والنخوه والأسد منقاش نتوقف ,,, تابعو معي الحلقه الثانيه حتى تشوفون منقاش يوم يرتكب ألأهوال ويدخل المعامع ويخرج منها كما يوم تخرج الشعره من العجين منتصر وسالم وغانم , وسلامتي أنا واياكم ....

رد : من بطولات الشيخ منقاش ، الحلقه الأولى .
 

سالم أحنا وياك وحياك الله وحيا علومك ولا تبطي علينا بالباقيات الصالحات

وبس

رد : من بطولات الشيخ منقاش ، الحلقه الأولى .
 

ولا تنسى تعلم الربع يوم تزلق بالحمام وتتناخابي (يا مخاوي يامخاوي)قلهم بالتفصيل لا افضحك

رد : من بطولات الشيخ منقاش ، الحلقه الأولى .
 

سنا الهجره : وانت سالم , بس يبن عمي عندي سعال أبغي جوابه منك , بس , لا تزعل مني .
السعال : أنا بلصت أبو عبدالرحمن بمكتل برشومي واعلن أسمي الفايز بوسام 100000 ثم بقدرة قادر أنقلبت الهروج وانعكست بزاويه180 درجه واعطوك الوسام .
سعالي : أنت ويش سويت في المشرفين حتى قلبتهم وافتكيت وسامي ؟؟.
مخاوي منقاش : وهو كل فضيحه تطلع عليها الا تبي تعلنها وتكشف حال راعيها ؟؟. ما أقول الا هب وحسبي الله عليك .

رد : من بطولات الشيخ منقاش ، الحلقه الأولى .
 

خلاص مدام ترجيتني ابي اسكت بشرط زي ماارسلك الهدايا اللي انت خابرها لاتنسانا من الرمان اما مكاتل البرشومي فخلها للي قولونة 5بوصة

رد : من بطولات الشيخ منقاش ، الحلقه الأولى .
 

هداياك يا مخاوي منقاش رشوه لي حتى لا أفضحك في الفضايح اللي على بالك . وسترناك ونبي نسترك ما دام أن الهدايا تصلني منك , ونهار توقفها رايح أكشف حالك .
أما أنا ما ماني مستعد أستاثم وارشيك برمان والا غيره وانت ما عندك خاتمه لا أنت ولا الرخوم أصحابك أبو أمجد وابو تركي وابن عزاب والمنسم وشراب مقطوع وباقي الشله .

رد : من بطولات الشيخ منقاش ، الحلقه الأولى .
 

الله يعينك

رد : من بطولات الشيخ منقاش ، الحلقه الأولى .
 

اللة يعينك يامنقاش علي البشر الي ماتفهم
سر الي الامام يا بطل وعطنا العلوم الطيبة
ولا تخشي في الحق لومة لايم
انت عمهم كلهم وابشر بلفزعة وانا ولد عمك

رد : من بطولات الشيخ منقاش ، الحلقه الأولى .
 

وليش تاخذ عكة دم معك تخرب في الطريق
اذا وصلت عندهم خلهم يسحبون من دمك انت ماش فرق

رد : من بطولات الشيخ منقاش ، الحلقه الأولى .
 

اليزيدي : كفو وبيض الله وجهك.
ابو تركي : يبي يجيك قدام في الحلقه الثانيه اللي يسرك أنت ومخاوي .