|
ظاهرة أحفر وإدفن
ياجماعة الخير بلديتنا ماهيب صاحيه وهي حده من الثنتين ياإنهم نصابين مع احترامي للحرامي يا انهم مجرمين بصراحه شي يرفع الضغط بزياده , يعني ماكفتنا الزحمه الي ترفع الضغط ومع الضغط ترتفع حرارة السياره خصوصا واننا في فصل الصيف وعاد صيفنا مايحتاج اشرح لكم , لو الواحد يجيب عجينه ويفردها على كبوت السياره ويحط عليها شرايح طماطم وزيتون وجبن وشوية لحم تطلع له بيتزا في اقل من خمس دقايق ماعلينا من الحر ,, وسوالفه ,, علينا من موضوع بلديتنا المصرقعين مايمديهم يضبطووون شارع ويسفلتووونه ويرصفوونه ويحطون الاناره ,, وبعدها يفرحون اهل الحي ويسوون كرنفالات ومن طقوس هالكرنفالات يصدمون عمدان الكهرب آخر الليول ,,, ويافرحه ما اكتملت الا والبلديه جايين في ليله مافيها قمر وخالعين ابو الشارع وقالبين عاليه واطيه وهاااته ياحفريات وهاته يادفن ومن ثم حفر ومن ثم دفن الين تطلع شوارعنا كنها جبال الهملايا ,, طق لك وانيت اصرف ,,, لكن ليش هالحركات يابلديتنا المحترمه ليش حفر ودفن وحفر ودفن ماعندك شغل ولا فاضيين ,, ولا تبون تقولون خدمات من زين هالخدمات لاجات الامطار ,,, تغرقت مواترنا وانحاااسوا العالم ,,, ذبحتونا بعقودكم لابارك الله في العدو ؟؟ بصراحه شي لايحتمل .. زحمة اشارات وملل وخنقة شوارع وفوقها تحويلات وحركات حفر ودفن ؟؟؟ لو يشتغلون بمقابر اصرف لهم ,, |
رد : ظاهرة أحفر وإدفن
ماعلينا من الحر ,, وسوالفه ,, علينا من موضوع بلديتنا المصرقعين
مايمديهم يضبطووون شارع ويسفلتووونه ويرصفوونه ويحطون الاناره ,, وبعدها يفرحون اهل الحي ويسوون كرنفالات ومن طقوس هالكرنفالات يصدمون عمدان الكهرب آخر الليول ,,, والله أنك صادق يأبو رامز مالك الا الصبر وش وداااااك له كل الود حاكم |
رد : ظاهرة أحفر وإدفن
الحين يقولون والعهده على الراوي >>
أنه في البلاد المتغغغغغغغده قبل ما يسوون أي مخطط يحفرون أفاق يسمونها أنفاق الخدمات وبعد ما يسفلتون الشوارع مستحيل عاد يكسرون الاسفلت كل شي يبونه من النفق يدخلون ويسوون اللي يبون من تحت والناس ماشين فوق ما يدرون عن اللي تحت كل شي كهرباء ماء تصريف مجاري كلش هذا ان صدق الراوي تدرون ليش لان الاسفلت عندهم غااااالي مو مثل عندنا أتحداك تلاقي شارع ما أنحفر واندفن عدة مررررررررات الله المستعان وشكرا لك يا بو رامز |
رد : ظاهرة أحفر وإدفن
الله يعطيك العافيه اخوي أبو رامز بس وش نسوي ما باليد حيله
|
رد : ظاهرة أحفر وإدفن
يجب أن تحلى بالصبر أبو رامز
|
رد : ظاهرة أحفر وإدفن
الله يعين هذي الشوارع
يبغالها أخصائي تجميل عشان يرمم التجاعيد والندبات والدماميل اللي صابتها والسبه هالفاضين اللي ما وراهم شغله غير يحفورن ويدفنون أكيد عشان يحللون لهم الرواتب حقتهم .................................................. ................................ والله يالشارع اللي نسكن فيه ما تقول إلا خضاضة لبن الله يعين الحوامل ويعدي حملهم على خير .................................................. ............. أنا أشوف أن سبب هذا كله ما فيه تنسيق بين القطاعات الخدميه يعني مره تحفر الكهرباء ومره الهاتف ومره الصرف الصحي والله حووووووووووسه مالنا إلا وينيتات زي ما قال أبو رامز |
| الساعة الآن 11:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by