منتديات بلاد ثمالة - قصيده هزت الخليجيين بروعتها

قصيدة وصلتني عبر البريد الالكتروني

يا بنت أرجوك أنا مأقدر كفاني ماضـي الغلطـات

أخـاف الله يعذبنـي وأنــا خــواف يابنـيـه

واخـاف ابساعـه اللـذه يجينـا هـادم الـلـذات

ويأخذ من حشـى جوفـي بقايـا روحـي الحيـه

أنا ليّه ثمان اسنين وأنا مدمـن علـى الشهـوات

ديـار الفسـق حاستهـا مواطـي تحـت رجليـه

عيوني من كبـر همـي تخلـط الـدم والعبـرات

مِسيل الدمـع مـن عينـي حفـر بالخـد ماريـه

صحيح إنك جميله بس تبنا مـن هـوى الزينـات

تركنا الحـب غصـب وطـوع للعيـن الشقاويـه

يابنت أنتي على بالك أبأخذ مـن بنـات الشـات؟

أجل مجنـون أنـا يابنـت أشيـل العقـل بيديّـه؟

ترى أكبر شيء يربطني مِعك جوال أبوشاشـات

وهاتـف ينقـل أشواقـي علـى نبـرات سلكيـه

وترى كل العلوم اللـي عطيتـك بالهـوى كذبـات

وحتـى دمعتـي يـوم الفـراق الصعـب كذبيـه

هـذاك اليـوم ماهلـت عيونـي لجلـك الدمعـات

لأن الدمـع ماينثـر بقـصـه حــب وهمـيـه

أنا أضحك مِعك واضحك منك .عليك أكثّر الضحكات

كأنـي بالهـوى جنـي.. يعـبـي راس جنـيـه

وأنا ماني بخكري يلبـس القمصـان.. والشرتـات

ويفـرح قلبـه المسكيـن إذا حــب الدوينّـيـه

أنا مـن لابـةٍ أروت ضمايـا سيوفهـا الغـزوات

خلايا جسمـنـا عـاشـت عـلـى دم القبيلـيـه

ودهنتي شعرك الأسود بألـوانٍ مـن الصبغـات

عيـت تقبـل الصبغـه ملامـحـك الخليجـيـه

حشرتي ردفك المسكيـن بالبنطـال .والجنـزات

لاقـيـنٍ تصنّعـهـا مـزاجـات اليـهـوديـه

شاني ميـتٍ فـي ثغـرك الأحمـر أبـو لمعـات

حسبينـي أبرضـخ لـك لأن إشفـاك ورديـه ؟

رب الكون مأرضى فيك لو إنك شيخـة الحلـوات

إذا صمـل علـيّ العلـم أكـب ارض السعوديـه

يابنت الناس عزك فـي سـوادٍ يستـر العـورات

عزي في شماغ أحمر.. وثوب أبيـض.. وطاقيـه

سعودييـن نفخـر فـي عبـايـات السعـوديـات

نغـض الطـرف إجـلالً إذا شفـنـا السعـوديـه