إلى متى ؟؟؟؟
 

[GLINT]إلــــــــى متـــــــــــــــــى[/GLINT]

[POEM="font="Simplified Arabic,5,white,bold,normal" bkcolor="transparent" bkimage="images/backgrounds/22.gif" border="groove,10,teal" type=2 line=0 align=center use=ex num="0,black""]إلى متى والهوى حاكم.. وحنا عبيد=إلى متى نترك اهوانا تسيرنا
إلى متى تحلم أنفسنا بعمر مديد=وذنوبنا كل ما نكبر تحاصرنا
من حاسب النفس وانذرها العذاب الشديد=من قال لا للتمادي في تكبرنا
من قال يانفس مالك غير درب وحيد=لو غرنا المال والهانا تكاثرنا
منهو اللي منا تمنى يموت موتة شهيد=منهو اللي فكر بماضينا وحاضرنا
كيف اننا من تجارب غيرنا نستفيد=دام اننا في سعة والرب ساترنا
إلى متى نشعر ان الموت عنا بعيد=هل ننتظر لحظة فيها يباشرنا
ما حرك قلوبنا (ما كنت منه تحيد)=أو سكرة الموت.. لو فيها تدبرنا
والفاظنا اللي يسجلها رقيب(ن) عتيد=ما والله انه يبي ياخذ بخاطرنا
في ذلك الوقت يا أما شقي أو سعيد=واعمالنا تنتظرنا في مقابرنا
أعمالنا كنها في ايدين ساعي البريد=أما خذ ارباحنا ... والا خسايرنا
صحيح مابه جديد ولو بقول وبعيد=لكن حنا بحاجة من يذكرنا

إلى متى ؟ كيف ؟ منهو ؟ من ؟ وماذا نريد ؟=ياما... وياما.. تكرر في منابرنا
نمسي عليها ونصبح حولها من جديد=نسمع.. ولا كن جانا من يحذرنا
نسمع بشاير ونسمع ماذكر في الوعيد=وكل هذا ... ولا حرك ضمايرنا
يارب رحمتك ... واحنا كلنا لك عبيد=لطفك وعفوك ومن نورك تنورنا
واجعل عملنا لوجهك... نستفيد نفيد=وبسنة المصطفى...نور بصايرنا
واحسن لنا الخاتمة من بعد عمر مديد=وبجنة الخلد ياربي تبشرنا[/POEM]

رد : إلى متى ؟؟؟؟
 

يبطي السؤال
يعطيك العافية يا بو عبدالله

رد : إلى متى ؟؟؟؟
 

السؤال صعب والجواب أصعب يابو هبه

والله يعافيك ويستر علينا وعليك يابعدي والله

رد : إلى متى ؟؟؟؟
 

ياسلام عليك ياخالي صح لسانك ولاعدمنا كلامك

حكمه من اول بيت الى اخر بيت وكل بيت لوحده كافي

يوم شفت العنوان توقعت انك استجبت لدعوتي اللى امس بس الحمد لله انها جات كذا اطيب وافضل 100 مره

رد : إلى متى ؟؟؟؟
 

رد : إلى متى ؟؟؟؟
 

صح لسانك أبو عبدالله...

وبارك الله فيك وأحسن إليك.
فعلاً قصيدة ... ما أجملها ... بسموِّ غايتها... ونزاهة مقصدها ...وطاهرة قائلها.

لا عدمناك..
وتصويت للقصيدة بـ 5 نجوم

رد : إلى متى ؟؟؟؟
 

الله يجيزاك بالخير يابو عبد الرحمن


هذا من ذوقك ولطفك بارك الله فيك

وأنت أطال الله في عمرك دخولك متصفحي تصويت بحد ذاته


مشكور مرة أخرى

رد : إلى متى ؟؟؟؟
 

الله الله على روعتك ياسنا الهجرة
من جمالك ماتجيب الا كل جميل
ذكرت ، ونصحت ، ووعظت ، وأجزلت فأقنعت
جعلها الله في موازين حسناتك
صح لسانك وسلم قلمك يارائع.

رد : إلى متى ؟؟؟؟
 

تكفى يا ثقيل لا تثقل علينا
سمعت ان زهور ودها بك
لا تفشلنا مع المرة حدد لها موعد والصفوف عندي

رد : إلى متى ؟؟؟؟
 

واحسن لنا الخاتمة مـن بعـد عمـر مديـد
وبجـنـة الخـلـد يـاربــي تبـشـرنـالنا ولجميع إخواننا المسلمين