حاولت.... لكن ,,,, إهداء الى ( أبو همس )
 

[BLINK]حاولت.... لكن[/BLINK]

[POEM="font="Simplified Arabic,5,black,bold,normal" bkcolor="transparent" bkimage="images/backgrounds/57.gif" border="ridge,7,silver" type=0 line=0 align=center use=ex num="0,black""]ياقلب جاك من الحبايب مراسيل=أبيات شعرٍ صاغها عذب الامثال
أنفاسها تسري كما نسمة الليل=من واحدٍ له بين الأحداب منزال
ألصاحب اللي يوم ننخاه تكميل=تشهد على مدحي لشرواه لافعال
رجال لا منك نخيت الرجاجيل=تلقاه عن يمناك لحتجت رجال
نشمي ولا يتبع هل القال والقيل=ولا نظر لفلان وفلان وش قال
هذا لمثله ترخص الفطر الحيل=والمدح في شرواه يفخر ويختال
هو من يقول المدح فالوجه تقليل=الا وجوب الحق يبدي وينقال
هذاك (ماجد) له مكانه وتبجيل=وابيات شعري فيه لو تكثر اقلال
ياصاحبي واللي هزم صاحب الفيل=إني لكم مشتاق ياطيب الفال
(أشتاق لك شوق الصحاري إلى السيل)=لو غبت هذا الشطر دايم على البال
ما فاد عن شوفك كثير المراسل=شوفتك عندي زاد والجوع قتال
ياليت لو يطري على البعد تعديل=بالذات لو كان المسافة بالاميال
كان اختصر في حسبتي وحدة الميل=حتى تصير آقل وحده فالاطوال
واجي بكامل عدتي والمعاميل=أسقيك من كيف الاجاويد فنجال
واعطيك عن ما تخفي النفس تعليل=شوقي لوصلك خيل والقلب خيال
أشتقت لك إيوالله اشتقت بالحيل=ياخوي مصبر عنك في كل الأحوال
حاولت.... لكن صدق مطولك ياليل=كني صغير يدور امه ولاطال
من بعد ما كانت تدلله تدليل=غابت وعظمه ما بعد يقوى الاحمال[/POEM]

رد : حاولت.... لكن ,,,, إهداء الى ( أبو همس )
 

صح لسانك ماهي غريبه منك عودتنا دائماً على كل ماهو راقي وانشاءلله ان ماجد يستاهل وانت راعي وفا
تقبل مروري

رد : حاولت.... لكن ,,,, إهداء الى ( أبو همس )
 

صح لسانك يا سنا .... وبيض الله وجهك

رد : حاولت.... لكن ,,,, إهداء الى ( أبو همس )
 

سنا الهجرة
وافي وعلومك غانمة وقصيدة فوق هام السحب
احترامي

رد : حاولت.... لكن ,,,, إهداء الى ( أبو همس )
 

رد : حاولت.... لكن ,,,, إهداء الى ( أبو همس )
 

رد : حاولت.... لكن ,,,, إهداء الى ( أبو همس )
 

رد : حاولت.... لكن ,,,, إهداء الى ( أبو همس )
 

صح لسانك يا أبا عبدالله

نسأل الله أن يجمعك مع كل من تحب وتعز في أقرب وقت..

أبو عبدالله.. وزع علينا هذه الألفاظ السهلة الرائعة التي تحتفظ بها..تميز يجعلك في الطبقة الأولى..

رد : حاولت.... لكن ,,,, إهداء الى ( أبو همس )
 

رد : حاولت.... لكن ,,,, إهداء الى ( أبو همس )
 

تسلم يا بو عبدالله
وهذه عادات الكريم مع اهل الوفا