ان جاد حظك باع لك واشترى لك
 

[POEM="font="Simplified Arabic,5,white,bold,normal" bkcolor="transparent" bkimage="images/backgrounds/86.gif" border="double,10,orange" type=2 line=0 align=center use=ex num="0,black""]يالله ياللـي كـل حــي يسـألـك=ياواحـدٍ كـلٍ يخافـك ويرجـيـك
اتفـك عقـد احبـال عبـدٍ شكالـك=مستبـرمٍ حبلـه بعقـد وشرابـيـك
ولاتلـوم النفـس فيمـا جـرىلـك=اصبـر تـرى ماقـدّر الله بيأتيـك
ان جاد حظك بـاع لـك واشترالـك=فوايده مـن كـل الابـواب تأتيـك
وان بار حظك هزّل اقـوى حلالـك=برداء ثمـن لازم يبيعـك ويشريـك
وان جاد حظك بالمجالـس حكالـك=وصدّق مقالك كل شخـصٍ يحاكيـك
وان بـار حظـك لايكـذب مقالـك=واتصير كذبات المـلا كلهـن فيـك
وان جاد حظـك بالمنـازل بنالـك=بيتٍ رفيعٍ شامـخ الطـول يذريـك
وان بار حظك صرت تنقل اعيالـك=مـن دار الـى دارٍ ودارٍ تخلـيـك
وان جاد حظك كـل شـئٍ صفالـك=وقرايـب الخـلان كـلٍ يصافيـك
وان بار حظك بان جمـع العداءلـك=وصار المحب اعـدا عـدوٍ يعاديـك
وان جاد حظك كـل شـئٍ عنالـك=ويباشـرك عنـد المـوده ويعطيـك
وان بار حظك ظـل محـدٍ بحالـك=ولا بفنجـالٍ مـن البـن يسقـيـك
وان جاد حظك قام واطلـق عقالـك=ومشى معك في كـل دربٍ يباريـك
وان بار حظك صرت بأرض المهالك=وعن كل دربٍ يقلعـك ثـم يثنيـك
وان جاد حظك كـل شـئٍ زهالـك=حليـاه بـأرواح المجالـس تزهيـك
وان بار حظك شيّن احلـى خيالـك=لامن قبلت اغضت عيـونٍ تراعيـك
وان جاد حظك كـل شـئٍ أضالـك=يشبـه فـم القنديـل نـوره يقديـك
وان بار حظك عـز حالـي لحالـك=ارذل رذيـلٍ هافـي الجـد يوذيـك
يالعبد لـو كثّـرت حـث ارتحالـك=وعرضتها درب الخطـر والتهاليـك
انتـه بـلا حـظٍ بعيـدٍ محـالـك=وقلوص عزمك بالمضامـي تخليـك
يالعبـد وان حظـك سعيـدٍ نمالـك=مـن عشـرة اولادٍ وواحـد يكفيـك
واصبر عسى تعطى خلف من غدالك=رجلٍ الى سامتـك الايـام يشريـك
[/POEM]


محمد بن عبدالله بن عون الشريف

رد : ان جاد حظك باع لك واشترى لك
 

مشكور أخي لبشة على هذا الاختيار وهذه المشاركة الموفقة

رد : ان جاد حظك باع لك واشترى لك
 

أختيار موفق يا لبشه

بارك الله فيك

رد : ان جاد حظك باع لك واشترى لك
 

ذوق ذوق ذوق
وفقك الله طال عمرك

رد : ان جاد حظك باع لك واشترى لك
 

اختيار رائع, ونقل موفّق,
تقبّل مروري واعجابي بما نقلت,,
مشكوووووووووووووووور

رد : ان جاد حظك باع لك واشترى لك
 

بارك الله فيك

رد : ان جاد حظك باع لك واشترى لك
 

وان جاد حظـك بالمنـازل بنالـك
بيتٍ رفيعٍ شامـخ الطـول يذريـك
وان بار حظك صرت تنقل اعيالـك
مـن دار الـى دارٍ ودارٍ تخلـيـك


ابداع

رد : ان جاد حظك باع لك واشترى لك
 

مشكووووور