المشاركة الأصلية كتبت بواسطة عيضة بن مساعد الثمالي (المشاركة 147956)

salam:
يسعدني التسجيل و التواجد بينكم في منتداكم العامر
هذه مصافحتي الاولى بينكم و هي قصيدة القيتها في اجتماع ثقيف لدعم شاعر المليون اتمنى تنال رضاكم


[poem="font="Simplified Arabic,4,black,bold,normal" bkcolor="transparent" bkimage="images/backgrounds/82.gif" border="none,4,gray" type=2 line=0 align=center use=ex num="0,black""]يارب منك العفو والعفو مطلوب = ارجوك في عفوك وحسن المثابا
احمل على متني خطيات وذنوب = متقدمه من يوم عصر الشبابا
اتوب واخطي وارجي العفو واتوب = وارجع وازيد اخطي واقول المتابا
يالله ياللي تستر العبد بالثوب = من بعد سترك ستر ربي ثيابا
يارب سمح طرقتي حيث مااصوب = ودلني درب الهدا والصوابا
وارحم روابي المملكة غرب وجنوب = وشرق وشمال وعلها بالسحابا
من المزون اللي لها برق ونصوب = تروي روابيها وتخضر جنابا
سحاب مابه عج واعصار وهبوب = ولا دخل وبله عسام وضبابا
وارحم موحدها وياخير مطلوب = واكتب له الجنه وحسن الثوابا
ثبت قواعدها على الشرع باسلوب = ومن الشريعه منهجه والخطابا
طوى فحشمتها مسافات ودروب = على الهجن والهجن خير الركابا
سارو على نهجه عياله على الصوب = وشعارهم ذكر الحبيب المجابا
في حكمهم ماسار ناهب ومنهوب = ومن راغ عن دربه من الناس خابا
واليوم ابو متعب مع الشعب محبوب = والشعب يدعي له شباب وشيابا
أكرم جميع الشعب وشعوب وشعوب = يعطي فطوع الله بليا حسابا
عبدالله اللي فك من كان مغلوب = غيث الضعوف القاصرة والغلابا
عشنا في امان الله – والامن مكتوب = اما غنات الروح والا عقابا
من خاف من ربه من النار محجوب = ومن خان دينه راح سفة ترابا
هذا وانا اسمع لي تماديح وكذوب = هرجٍ يجي ويروح مثل السرابا
يتعهدون ايام وعصور وحروب = راحت كما من راح راحت ذهابا
مذهوب واللي يتبع الخبل مذهوب = يا عنك لو انه من احدى القرابا
اليوم امان ولا ش سالب ومسلوب = في حكم اخو نوره مروي الخضابا
من دون لا شك وعيب وعذروب = كل القبايل مالحقها معابا
وسلام تسليمات من راس وجنوب = شيخ وجبر متبادلين الجوابا
ربعي ثقيف مكملة كل ماجوب = ربعي ثقيف مطوعين الصعابا
منهم صحابيٍ وفارس ومندوب = ومنهم ومنهم من يدغثر شرابا
وانا ثماليٍ ولاني بمذنوب = الا لرب الكون منشي السحابا
ثمانيه شيخان والدول مصبوب = واللي حضر يكفي عن اللي غيابا
أموت واحيا ماالبس البشت مقلوب = وانا اعرف ان السيف حد النصابا
وصلاة ربي عد ماقادت سحوب = على شفيع الخلق يوم الحسابا [/poem]