الجروح ادرى....
 

كلكم رائيتم او اغلبكم قد شاهد تدفق اخواننا الفلسطينين من معبر رفح للاراضي المصريه بعد ان ارتخى طوق الحصار الذي لا دافع له الا قلة النخوه والاخوة الاسلاميه في قلوب المسلمين فكانت هذه الدمعه......


[poem="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

ياشعر خلي فؤادي بالاسى داله=وش لك بتنطيق جرحي والجروح ادرى
جرحي على نار قلبي يركي دلاله=من صغرتي عايش ٍ مع جرح مايبرى
قبل امس بالشعب كان المصطفى وآله=واليومه اخوان في غزه بلا مذرى
الكفر جاير وجوره يهلك عياله=والظلم من مسلم لمسلم كما الجمرا
زود ٍ على محاصر العدوان وانذاله=ضيق عليهم عريب ٍ ساكن ٍ مصرا
الله يفرج لهم هالضيق واهواله=ويرسل لهم مؤمنن يشتاق للمسرا
يوم ان كل ٍ قعد حارس على جاله=وخلى قرود البشر تطمر على العذرا
ياون قلبي ويا همّه وغرباله=وياحسرة في فؤادي نارها حرا
مسلم يضيق على اخٍ له وهو حاله=من حالة اخوه والا للردى وازرى
ومسلم يوصي يدينه قضبة رياله=مايدري ان الذهب ماسر ابد كسرى
ومسلم يغني على لحنه ومواله=وعذراً بدين الطغى تضرب وتتعرى
متى يجي للحمل رجال يشتاله=يأمة الذّل راحت قبة المسرا
مادام حنا على اسلامنا عاله=والله لنبطي نسف الذّل بالصبرا
[/poem]

رد : الجروح ادرى....
 

صح لسانك يالنادر وعسى الله ينصرنا على اعداء المسلمين في كل مكان

رد : الجروح ادرى....
 

ما أجمل أن نقرأ قصيدة ..تطل من ثناياها غيْرةٌ على الأمّة ، وحرقةٌ على أحوالها .... وأمل في استجابتها..

فعلاً قصيدة تعلو .... بسموِّ غايتها... ونزاهة مقصدها ...وطاهرة قائلها

ولا أتحدث عن صدق المشاعر ، ورصانة الأسلوب ، وعمق المعنى

سلم بناك أبا عماد

رد : الجروح ادرى....
 

قصيدة جزلة يابوعماد بارك الله فيك
شاعر يحمل هم الامه العربيه ويشاركها احزانها
انشاء الله سنجد النصر قريبا
بس لازم اطلع معك للصيد لازم مافيها كلام يابوعماد

رد : الجروح ادرى....
 

صح لسانك يا بو عماد

قصيدة جزله ومعناها سامي

والله يرحمنا ويرحم المسلمين وينصرهم على أعدائهم

ويفك أسر أخواننا في فلسطين وفي كل مكان

رد : الجروح ادرى....
 

طالما فيه من يحمل هم الامة , أمثالك يابو عماد

نقول الدنيا بخير

أسأل الله أن يصلح حالنا وحال كل مسلم وسلمة


وينصر الاسلام والمسلمين في كل بقاع الارض

وصح لسانك يا بطل

رد : الجروح ادرى....
 

صح لسانك يابو عماد

وانا دائما اقول بان السيناريو الالهي ماشي حسب ماقدر له الى ان تحين الملحمة الكبرى

رد : الجروح ادرى....
 

صح لسانك وسلم بنانك

رد : الجروح ادرى....
 

النادر
صح لسانك
ينالك ثواب ماكتبت ان شاء الله .

رد : الجروح ادرى....
 

صح لسانك
جزاك الله خير عن المسلمين
تحياتي ,,,