مخاوي منقاش تعال .. رحلة إلى هجرة الطيري
 

الزمن الخميس والخاطر لا راضي و لا زعلان
كنت أمني نفسي بخوة المخاوي لكن ماله في الطيب مثلي نصيب , يكفيه منقاش و يكفية المثل اللي يقول إلتم المتعوس على الخايب المنحوس , لكن رزقني الله بخوة أهل اللحى الغانمة و أغناني الله عن شوارب المخاوي اللي يحسنها على يدين تركي .
أرجع لموضوعي وهي رحلة لهجرة الطيري تبعد عن الرياض ما يقارب 160كم شمالاً على طريق الصمان وكان التحرك لها فجرا.
وصلنا هناك على الساعة السابعة وكان المكان مخطط له ومعروف مسبقا و إستقبلتنا بحيرة من سيل الخميس الماضي 3/4

http://www.thomala.com/upload/upfiles/hKc38013.jpg
ولم تنتهي الروعة عند هذا الحد بل كانت روعة المنظر التالي
http://www.thomala.com/upload/upfiles/EkS37895.jpg


وبعدها إتخذنا المجلس اللي تشوفونه محط رحالنا و عزبتنا http://www.thomala.com/upload/upfiles/X9i37829.jpg

وبعد جولة على البحيرات الموجودة في الشعيب كانت البطن تقرقع وتطلب الزاد وكان في مونتنا دقيق ومستلزمات قرص المجرفة والسمن و العسل وحليب المجاهيم اللي حصلنا عليه في جولتنا

http://www.thomala.com/upload/upfiles/anI38064.jpg


طبعا اليوم طويل ما شاء الله تبارك الله و تمضيته لابد يتخللها كثير من القفشات و أسرار الصحبة والرفقة الطيبة .
طبعاً ساعة الغداء جاءت بعد شراء الخروف و اللي فاتني أخذ صور له وهو في الربق , لكن ما فاتني تصويره و هو في المعلاق مع أبو فهد

http://www.thomala.com/upload/upfiles/BTo37954.jpg

للي ما يقدر يقاوم الجوع × فمنظر البخاري في البر مختلف
http://www.thomala.com/upload/upfiles/w8b37717.jpg

اليوم ممتع وجميل و البر أحلى و أحلى مع الرفقة الطيبة اللي مثلكم وشرواكم و بصراحة تمنيتكم حاضرينها و خاصة العوارشة طيبين الفال .
عاد الجمال هذا كله كانت نهايتها بعد المغرب بعاصفة رملية غطت السماء حتى الرياض و ما جاورها .

رد : مخاوي منقاش تعال .. رحلة إلى هجرة الطيري
 

الظاهر كل ماتطلع رحلة تشتري معاميل جدد لان الاوله حارقها
بعدين اش قصة المخاوي احيان اقول شخصية وهميه ضاحك بها علينا بن سلمان ومنقاش

رد : مخاوي منقاش تعال .. رحلة إلى هجرة الطيري
 

ابن سلمان ياريت اتصلت علي والله كان اروح معكم لاني كنت فاضي والشبه متفرقين الي لم حايل والي للشرقيه وناس لمكه وانا بغيت انحر البحرين بس بصراحة مالقيت حجز الا الليلة بخمس الاف ريال فقلتلهم راقبو المؤشر اذا وصل 3000 احجزولي ليلتين 0
المهم انا لي ملاحظات على قيلتكم(بدون زعل انا رجال مااصبر)=-
-ترنق الواقف عند المعاميل الظاهر مسروق لانه طويل واذا احسنا الضن فهو عارية0
- بالله فية نشامى يمشون160 كلم بدون دلال وقهوه؟
-الهوادي الي تحت القدر ماهي اختيار( وذف)والهوادي(هي الاثافي ولازم تكون ثلاث)الم تسمع الشاعر يقول

مجذى سماد النار ومشاقة الراس,,,, وثلاث لايبكن ولا ينبكني
-الليمون الاسود ماغسل وليه ماسكه باليسرى

خلك يبن سلمان لو عزمتني كان افتكيت من شري واتفرجت على طوال الشوارب لكن وانعم ببو فهد وربعه

رد : مخاوي منقاش تعال .. رحلة إلى هجرة الطيري
 

الاخ حسن عابد / وانا مثلك ترى يسويها راع الحمير وابن سلمان صدق اتكلم وانا من زمان شاك في الموضوع بس كاتم00 حتى القصيدة اللي قايلها بالمخاوي احس انها تعني الذات

رد : مخاوي منقاش تعال .. رحلة إلى هجرة الطيري
 

ما شاء الله تبارك الله

رحلة وإجازة سعيدة..

رد : مخاوي منقاش تعال .. رحلة إلى هجرة الطيري
 

الحرق حرق الكبود يا بو علي يوم يضيع الخميس تحت ناموسية كحلي و إسأل المخاوي

رد : مخاوي منقاش تعال .. رحلة إلى هجرة الطيري
 

الله من الصدق
أتصل عليك وين يا مصرف ؟
أذكر إني مرتين أرسل لك رسايل ووحده منها فيها جوالي , لكنك معطيها طنااااش

يا أخي أفرض معنا حرقان من القهوة
وأنت راعي بر و الحيل ما تعدم

أبصم لك بالعشرة على هذه

أنت ما سمعت اللي يقول ثالثة الاثافي على ما يستهجن من الأمر
وبعدين هذا قدر بن سلمان و يقف لو حجر واحد

أنت متأكد إنك من أهل حايل
ما تشوفهم يمسكون الدلة عند الصب باليسرى
علوم سناعة ما تعرف لها

يستاهل أبو فهد و يستاهلون ربعه
وترى أبو فهد هو العقيد خالد الجعيد ( عقيد على راس العمل ما هو مثل اللي يصفرون للضحى ) .

رد : مخاوي منقاش تعال .. رحلة إلى هجرة الطيري
 

والله ونعم وستة أنعام بك يبن سلمان والسابع لمنقاش .
بس أنتبه لا تنقرد وتخاوي الماخوذ المخاوي , خلي بينك وبينه النت ومنقاش وعساك تسلم .

رد : مخاوي منقاش تعال .. رحلة إلى هجرة الطيري
 

الاخ منقاش /الحمد لله الذي بنعمه تتم الصالحات والحمد لله الذي هياء لي من الصحة والقدرة المالية ما جعلني ارد عليك ياخايب الرجاء وانا حاط رجل على رجل ومستلفي على الخرزة السابعة وفي فمي منقاش (عود)وامامي رحاب مسجد الهادي الذ بفضل الله تثم بفضله جعلك ادمي لك قيمة فداه ابي وامي (هذه الرحلة ماهي رحلة ابن سلمان اعدمو خروف كان يسبح الله ) وكنت ناوي احشك بقصةطيبة ولكني قلت يالمخاوي العن بليس انت في المدينه اعتقه لوجه الله او على الاقل اصبر الى بكرى انشا الله حتى حليفنا ابن سلمان ناوي ارد عليه بس الحقته بك بالشفقة 00
منقاش ان كان انك رجال قد التحدي تعال للمدينه وتراه اربع ساعات ومحفول اكل ساكن 5نجوم وانت بالسرير تكبر مع الامام وانا ماشي لحايل باذن الله يوم الثلاثاء ان كنت قدها تروح معي واصير انا اكل شارب ساكن على حسابك(عدل) والا تراني سميت نفسي مخاوي ابن سلمان هو الشقردي(وش معناها يبن سلمان) هاه قل تم

رد : مخاوي منقاش تعال .. رحلة إلى هجرة الطيري
 

حياك الله وحي علومك
يبدو حظك مثل حظ ابو زيد ان قلت لك حول لابن سلمان ما اضمنهوان قلت لك حول لمنقاش بعد ما اضمنه لكن خلها بظروفها وانت وحظك