اكثر الناس عياف
 

انتعاش واحة الشعراء بقصائد المجاراه والمحاورات القويه دفعتني لمجاراة
الشاعرين الكبيرين ابو عادل وبن سلمان فجادت قريحتي بهذه الابيات التي
تعبر عن نظرتي الخاصة


[poem="font="MS Sans Serif,5,black,normal,normal" bkcolor="transparent" bkimage="images/backgrounds/1.gif" border="none,4,gray" type=2 line=0 align=center use=ex num="0,black""]
يالله يامنزل تبارك والاحقاف=ياناصرا جندك بيوم عصيبي
يسر لنا طرقة يلملم والاجراف =ام الجبال الكايده والهضيبي
بين المغني والمجاوب والاشراف =سهيل مايبدي وشمسه تغيبي
سهيل ماشفته مع القوم طواف =ما احصى عددهم من بعيد وقريبي
الحل يصعب واكثر الناس عياف =عياف من لهو الحديث الغريبي
يا شارح الانفال وتقول الاعراف=لخبطت تفسير السور للنسيبي
كثر الحكي مافاد راعيه واسراف=لا تحسب ان الرمي كله يصيبي
صياف واحد يامكثر لصياف =لايسكر المخلوق حبة زبيبي
السم ماله في الشرايين ميلاف =والهرجه القشرا غلط ياصحيبي
مايقضي الديان دينه بالاسلاف =ولا ريح المحزون كثر النحيبي
اللي على الميعاد للقوم مضياف =ماهو كما اللي بين صاله وسيبي
من لا نقد نفسه تصادم بعراف =القصد واضح وانتبه ياحبيبي
لحف على بعض السواليف بلحاف =صافي لبن صافي لبن ياحليبي
ترى البحر مايغرفه كل غراف =واسأل من الهذلان ولا عتيبي
خلك مع اهل الورد شاري وقطاف =وانا شريت الورد مابعت طيبي
وختامها محراف عن كل محراف =عده رهاوي من عدود الزليبي
[/poem]

رد : اكثر الناس عياف
 

نظرة خبير يا بو علي
وخلفية القصيدة ذكرتني بيت أبوعادل عساه عامر
صح لسانك

رد : اكثر الناس عياف
 

أي والله نسأل الله أن ييسر الأمور في جميع الأحوال..

حكيم....حكيم...يا أبا علي

صح لسانك..

رد : اكثر الناس عياف
 

ماشاء الله يابو علي
تشخيص من متخصص
مافيك حيلة
صح لسانك.

رد : اكثر الناس عياف
 

وختامها محراف عن كل محراف
عده رهاوي من عـدود الزليبـي
صح لسانك أيه المبدع

رد : اكثر الناس عياف
 

رؤية ولا أروع يا بو علي
حتى إني أجد في نفسي الرغبة في مجاراتكم بالمطلع التالي :
[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الناجح محارب باساطير وارجاف = كل يلصق فيه تهمة وعيبي[/POEM]

رد : اكثر الناس عياف
 

صح لسانك يابو علي

ما فيك حيلة .... ما فيك حيلة

وفالك الخير

رد : اكثر الناس عياف
 

الغالي حسن بن عابد

لا هنت

بيض الله وجهك

وصح لسانك

ماشاء الله عليك

لا هنت

رد : اكثر الناس عياف
 

الله ياحسن عابد اش الابداع هذا قصيده ولا احلى واصل ياعزيزي ولك الدعم
طبت وطابت ايامك

رد : اكثر الناس عياف
 

ماشالله يابو علي قصيدة مميزة وجميلة
ابدعت ولاقصرت بيض الله وجهك