صاحب وحبيب غاب فمتى يرجع
 

من يبلغ صاحبي واسمه سعود000000000000التحيه ثم قله ماجرى
ماجرى بيني وبينه من وعوود000000000000كيف ينساها ويتركها ورى
لوورى تترك طلع من غير فود000000000000والهدف واضح لكل اللي يرى
من يرى طبعك يقول انك جحود000000000000وانت منها يابعد عمري برى
من عرفتك والمحبه لك تزود0000000000000والهوى بي يمكم والله سرى
لا سرى من نجد من ذيك النفود00000000000صوبكم يم الهدى مدري كرى
لو كرى ماهي بعيده عنك زوود00000000000كان جيتك وانت لي مثل الذرى
الذرى اللي كاسي عمري خلود00000000000عن حرارة شمس عن برد الثرى
ياثرى عمري وياكل الوجود0000000000000يانظر عيني وياكل البرى
من عرفتك ماهنى عيني رقود000000000000كيف عيني تهتني بطيب الكرى
الكرى لوغاب عن عين الحسود0000000000كان يرجع لو على باله طرى
لو طرى فعل يدل انه حقوود000000000000كان قفى واختفى صوب العرى
ليه احس ان المشاعر في جمود000000000وليه احس انك مثل من لا درى
ليه تخلف نيتك والا عنوووود000000000000المعاند مايفيد اللي قرى
ياسعود ارحل عن ديار القرود000000000000صوبنا حول واقيم الك القرى
عد برق لاح في نو يقوود00000000000000وعد ماعين تخيله او ترى
وعد ماترزم بها ذيك الرعود000000000000وعد ماهلت مزوونه وامطرا
يرحم ايام معك لو هي تعوود000000000000كان عذرتك ومثلك يعذرا
انت غارق في هوى غرو مرود0000000000باري عمرك وصبرك مابرى
ياجعل تفداك غالية النقود0000000000000ويجعل يفداك بيع ومشترى
وياجعل يفداك ماجا من حشود00000000000في مزاين كلهاشيوخ وومرا
وياجعل يفداك ماجا من وفود000000000000بالمحافل والدول يالقيصرا
وياجعل يفداك ترفات الخدود000000000000الخدود اللي بها الورد احمرا
وياجعل يفداك نابية النهوود000000000000كنها التفاح توه اثمرا
والعيون النجل اوساع وسود00000000000ورمش مظل وطرف احورا
والختم صلوا عددماهب نود000000000000وذعذع الغربي على سيد الورى

رد : صاحب وحبيب غاب فمتى يرجع
 

ياسعود ارحل عن ديار القرود000000000000صوبنا حول واقيم الك القرى

رد: صاحب وحبيب غاب فمتى يرجع
 

ليت ابو سيف الياتحزم جاب فود
.........................ماتعثر فالجبال وفالقرى
وليت بن قحطان ماجاور زيود
......................... كان ماننكر عليه المنكرا


مجرد راي ياراكان

وعسى سعود عود لك

رد: صاحب وحبيب غاب فمتى يرجع
 

صح لسانك يا راكان..

بداية موفقة ..وإطلالة جميلة منك..

رد: رد : صاحب وحبيب غاب فمتى يرجع
 

يقول المثل القرد في عين امه غزال

ويقول المثل الثاني خلك على قردك لا يجيك اقرد منه

رد: صاحب وحبيب غاب فمتى يرجع
 

يا هلا بك يابن سيف

يسعدنا تواجدك بيننا كــ شاعر
بس ودي أسألك قصيدتك هذي في أي غرض من أغراض الشعر ؟؟

ان قلت مدح ماهي بمدح وان قلت غزل ماهي بغزل وان قلت عتاب .... ولا هي بعتاب

لعلك توضح وش غرضها لنستفيد منك

فالواضح لي انك شاعر جيد ولكن الحكم دائما يكون على القصيدة وليس الشاعر

تقبل مروري المتواضع

رد: صاحب وحبيب غاب فمتى يرجع