انا 0000 البارحه
 

مساكم الله بالخير 00 العواني الاعزاء


مقصر وادري اني مقصر بالتواصل مع الحشام امثالكم


وهذه مختصره ماحبيت اجيكم للتصافح بدون شي تقبلوا عذري واحترامي لكم

ادامكم الله بالستر والعافيه00 شكرا لكم 00






[POEM="font="Simplified Arabic,4,red,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black""]انا البارحه مهموم والصدر مشتـال =هموم الضمايـر والفـؤاد يحرقهـا
ولاشي مع الايام يبقى علـى حـال =مثل امس واليومه موضـح فرقهـا
تعاط المعارف بينها حرب وجـدال =تجي للفتى عشقـه ومـل وفهقهـا
وشمس الظهيره ماتغطـى بغربـال =على بسطة الارض الوسيعه شرقها
لكن فالوسايم وسم وضاح وغفـال =وكم من تغفـل للغفـال وسرقهـا
وجودي وجوداللي بلا اعمام واخوال =ولاله سنايـد يستنـد فـي درقهـا
وياكـم تذكرنـا المواقـف برجـال =وكم من رفاقه كان يرفـق رفقهـا
وياكم خبل يوذيك وافعالـه اخبـال =ليا شاف خله جاتلـي قـال ذقهـا
وكم من يمد احبال ويقصر احبـال =وكم من ليا انشقت يرقـع شققهـا
انا اخترت عنهم جادل سمح الاقبال =ليا قابلتلي شمـس يبهـر شفقهـا
بعيده عن العذروب والقيل والقـال =وبحة كلامـه تقـل شـي يخنقهـا
واخيرا نقـول الله ستـار الاحـوال =يديم الستر لعبـاده اللـي خلقهـا [/POEM]

رد: انا 0000 البارحه
 

ما حصل قصور يا ابو فهد
ابيض وجه . وصح لسانك

رد: انا 0000 البارحه
 

صح لسانك يابو فهد

من جا ما ابطى طال عمرك
وانت جيت وجبت العلوم الطيبه

حياك الله وحيا ما جبت

وصح لسانك وعلا شانك ويهناك ما أخترت وعساها عون على الطاعه

رد: انا 0000 البارحه
 

الله الله

فعلا الكلام عند كل واحد...لكن من يستطيع أن يترجمه لمثل هذه المعاني والألفاظ..

فهنا الابداع ..وهنا التميز..

صح لسانك يا ابو فهد..

لا عدمناك..

رد: انا 0000 البارحه
 

ابو فهد صح لسانك وسلم بنانك
أنت راعي وفى وان به قصور منا
والوفى من الوافين ماهو غريب
لكن فالوسايم وسم وضاح وغفـال ===وكم من تغفـل للغفـال وسرقهـا
وجودي وجوداللي بلا اعمام واخوال===ولاله سنايد يستنـد فـي درقهـا

رد: انا 0000 البارحه
 

صح لسانك يابوفهد

بن داخل من فطاحلة الشعر وشكله فهم شي غير اللي نفهمه

رد : انا 0000 البارحه
 

صح لسانك, وعلا شانك
تقبل مروري

رد: انا 0000 البارحه
 

حياك الله يابو فهد
وبيض الله وجهك

رد: انا 0000 البارحه
 

صح لسانك يابو فهد

تقبل مروري