قالوا ان السوق مدحـدر
قلـت يالله انـك تستـر
الدراهـم فـي المحافـظ
والبنـك شـويٍ ويسكّـر
**
سوقنـا الله يعلـم بــه
طايح في ناسٍ تلعب بـه
يشوتونه شـوت الكـوره
والضعيّف ما يكسب بـه
**
مابين الكنهل والشتـري
واللي وراهـم مستتـري
الجماهيـر الخسـرانـه
تدعي فالشفع وفالوتـري
**
اللي ورطـانٍ فالصالـه
يصفـق يمينـه بشمالـه
يوم يشوف سهومه طاحت
ودمـوع عيونـه همّالـه
**
واللي جنبه ينقب خشمـه
كبده من الاسهم منهشمـه
متربع ويحاسـب عمـره
والعالم حولـه منبشمـه
**
واللي علـى الكمبيوتـر
كنه يعشّـق لـه موتـر
تعطـل وقـت التـداول
والهاتف يطلبـه يفوتـر
**
واللي ماخذهـا للصاجـه
يكاكـي مثـل الدجاجـه
كـل فلوسـه فالمواشـي
والراعي قفّـى بنعاجـه
**
واللي حاطـز فالفنـادق
في جنب الصاله ويشاهق
عيونه طارت من راسـه
يمـد اقدامـه ويفـاهـق
**
واللي طمـر فالمصافـي
غشيـمٍ لاكـن متعافـي
المبلـغ ماهـوب هويّـن
هذا هاتوا لـه الاسعافـي
**
واللي خذا فـي صافـولا
راحت عويناتـه حـولا
يظهـرونـه بالنقّـالـه
فوق الأيـادي محمـولا
**
واللي تـورط فالزامـل
يترنـح مثـل الحـامـل
لاشافهـا تحـت النسبـه
يعض اطـراف الانامـل
**
واللـي دخـل فالفتيحـي
عانوه يوقّـف ويطيحـي
يوم انه شـاف التجـاره
راحت في مهب الريحـي
**
واللي تعلّق في الكهـرب
ماله مجال انـه يهّـرب
يبطي وهو فـي مكانـه
يتحكـك مثـل الاجـرب
**
هذا حال اهـل التـداول
بيـن البلنتـي والفـاول
واللي ماهوب مصدقنـي
يدخل في الاسهم ويحاول



وسلامتكم


منقوووووووووول