|
قصيدة دينية
بسم الله الرحمن الرحيم
قصيدة مقدمة ومهداه إلى ابني / وليد بن خلف بن عبد العزيز وإلى جميع الأبناء حفظهم الله [frame="1 80"][poem=font="Simplified Arabic,4,#000000,normal,normal" bkcolor="" bkImage="" sdImage="" border="none,4,#000000," type=0 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""] بسم الله الرحمن مهلـك هـل الفيـل =قوم ابرهه الأشرم ونـاوي حجرهـا سبحانه أرسـل لـه طيـوراً أبابيـل =ترمي أبرهه والقـوم جاهـا قدرهـا والحمـد لله عـد مـا سيـلٍ يسيـل =وإعداد مـا دارت وكمّـل شهرهـا الخالق اللي أنـزل الـروح جبريـل =على أحمد بمصحف ليهـدي بشرهـا اللي جعل ثنتين مـن بعـد تحصيـل =وحـده نعيـم وثانيتـهـا سعـرهـا ثم الصلاة مليون مـن بعـد تهليـل =على النبي المختـار للـي نشرهـا من بعدها يا ابني استمـع للتفاصيـل =وأبيات أبوك العود لأجلك سطرهـا اعمل بها وأخبر بهـا اللـي مباتيـل =الجاهليـن بصفوهـا مـن كـدرهـا ما جربوهـا مثـل منشـي التماثيـل =اللي عرف وش هي من اللي فطرها هذا وأنا محدٍ نصحنـي مـع الجيـل =اللي مضى يوم إني أطـرد غبرهـا لكن قبل أرسل لـك العلـم ترسيـل =شب الحطب واحذر يصيبك شررهـا واجعل على طارف لهبها الجراميـل =من سمْرها وإلا قرض هو وجرهـا حتى ليا احمر القرض عنّهـا زيـل =كُبر القـرم حتـى تسـاوي قررهـا قرّب لهـا كـل المـون والمعاميـل =مـن بـن وإلا هيـل وإلا صفرهـا وإلا عويدي إن فاح وسط الفناجيـل =واحذر من الجذوه تحـرّق هررهـا فنجانها خلّـه يجـي نصـف تكييـل =لا تطفحه بالكيف يـا بـوك شرهـا وفلل قلمـك بسايـل الحبـر تفليـل =واكتب على بيض الورق من دررها الأولـه مـد النـظـر والتخايـيـل =اطلق عنـان الفكـر ناظـر قمرهـا وانظر يا بوك بـدون صـدٍ وتكليـل =نجم السما اللي شع حلـى سهرهـا انظر شجرها كيف سـوى مظاليـل =والرعد هو البـرق والمـزن ترهـا رد اهتمامـك بالبشـر والمراسيـل =ذيك الرياح وقـوس يتبـع مطرهـا وأنظر لذيك الشٌمخ والفُطّـر الحيـل =والطير هو والحوت ناظـر بحرهـا ما الله خلقها مـع جميـع العباديـل =مع جنّها لعبـه لمـن هـو شبرهـا الله خلقـهـا للعـبـاده وتجـلـيـل =ربـك وتسبيحـه لأنــه سبـرهـا والثانيه الإيمان مـن سـت تكميـل =علم بها جبريـل وأحمـد ضمرهـا وأعرف ترى الإسلام من غير تطويل =أركانـه الخمسـة نبيـك ذكـرهـا صل الفروض الخمس من دون تأجيل =هاذي عماد الدين يـا مـن ظفرهـا والحج فرصة وحظ من نـال تقبيـل =هاك الحجـر وذنوبـه الله غفرهـا وشهر الصيام أغنمه ذا شهر ترتيـل =ترتيل قرآنلـه اغنـم ليالـي وترهـا وأخرج زكاتك والتصدق من الميـل =وأفزع لنـاسٍ جـوك خلـو ديرهـا هذا وللإحسـان يـا بـوك تفضيـل =إليـا عبـدت الله بنهـار وسحرهـا كنك تـرى الخـلاق عنـد التباهيـل =وإن ما تشوفه شـاف دارج وعرهـا بالليـل صـل وادع رب البلابـيـل =ترى الدعاء مـخ العبـادة وظهرهـا والصبر ما أحلى الصبر عند البهاذيل =جاك الفرج بالصبر ولّـى عسرهـا واتق إلهك وأحـذر الظلـم والغيـل =الظلـم ظلمـة لظالـمٍ مـن بطرهـا تاج العمل إخلاص من بعـد توكيـل= اخلص وتب واعزم خوادعك ذرهـا ما صح غير الصـح وإلا الأباطيـل =ترجع على راعي الخطا من خطرها والثالثـة الأهليـن مـن دون تدليـل =بـرك بهـم والأم قـبِّـل مـدرهـا حتى توفـق عـل دربـك تساهيـل =رضا وسخط ربك رضاها وضجرها من بعدهم بوصيك بأهل المواصيـل =جار ورحيم احـذر تقطّـع جسرهـا والرابعه يابـوك مـن ذي التعاليـل =أخلاقك الزينه ومـن هـو ذخرهـا مع التواضع ترتفـع فـوق شهليـل =والله يحبـك قبـل حبـك خيـرهـا تحصل مع أخلاقك ومن غير تشكيل =على الطلب ما ناله اللـي خسِرهـا وإلا التكبر شيـن مـا فيـه تبجيـل =مكروه عند الناس ما هـو بنظرها والخامسة الضيفـان ويـا المداهيـل =ناسٍ تزورك يـوم لا شـك زرهـا حـي بضيوفـك واشعلـن القناديـل =ترى الضيافه خيـر تلقـى أجرهـا لا تختفي يابوك لـو جـاك هابيـل =وإلا بعـد قابيـل قـدّر جـررهـا قابل وحط اللي معك وانت حلحيـل =لا ترسل ابنك لجـل يقطـع دبرهـا مال البخيل يروح بعـد المحاصيـل =وإن مد لـه مـولاه يـده اختبرهـا خلك غيور وحس من غيـر تهويـل =للغيره إن جـت حـد للـي يغرهـا لا تنعكس بك شك بأهـل المنازيـل=ولياك تجلب هـرج يجـرح وقرهـا والسادسه يالليـث علـم الرياجيـل=الأجـودي والنـذل اسمـع خبرهـا الأجودي واسمه من الجـود كالنيـل =والنَّذْل هذا اسمه حصل من قشرهـا الأجـودي نـوٍ تلـتـه الهمالـيـل =والنذل جدب أمحل ثراها وشجرهـا الأجـودي يعطـي بحـبٍ وتجزيـل =والنذل يبكـي ليـن يعطـي حقرهـا الأجودي الأجواد صوبـه مداخيـل =والنذل ينصاه الشبـه مـن دشرهـا الأجودي ينـدى ليـا جـاه ولويـل =والنذل ما قد نـد وجهـه لمضرهـا الأجودي وافي من أهـل المعاديـل =والنذل مـا يوفـي وناسـه غدرهـا الأجودي ما ينكـر العيـش صمليـل =والنذل ينكـر بعـد بطنـه عمرهـا الأجودي مـا حـب للغيـر تذليـل =والنذل يرضى لسامي الروح كرهـا الأجودي مـا قـد تشفـى بمعاليـل =والنـذل يشفـى ثـم يتبـع أثـرهـا الأجودي ما هو براعـي المهازيـل =والنذل يوذي لين يعـرف ضررهـا الأجودي ما هـو براعـي النواقيـل =والنـذل ينقـل بعـد ربـك سترهـا الأجـودي مـا يتبـع أم الخلاخيـل =والنذل يبرم حـول باحـة خدرهـا الأجودي ما يخـدع أهـل المفاتيـل =والنـذل ايـات المنافـق حصرهـا الاجودي يدمح فـي دون المكاحيـل =والنذل من مزحه كراعـه قصرهـا الأجودي مثل السيـوف المصاقيـل =والنذل حلشـا مـا تعـدت ثمرهـا الأجودي يحسب حسـاب النوازيـل =والنذل ما يحسـب بـلاوي دهرهـا الأجودي استح منـه عنـد المقابيـل =والنذل جنّـب عنـه يلقـى حررهـا أحر مـا عنـد أجـودي بالكلاكيـل =تراه الأبـرد عنـد نـذلٍ حضرهـا والختم صلـوا بعـد مليـون تهليـل =على النبي المختـار للـي نشرهـا الأجودي واسمه من الجـود كالنيـل =والنَّذْل هذا اسمه حصل من قشرهـا[/poem][/frame] تحياتي أخوكم الشاعر / [glint]خلف بن عبد العزيز الثمالي[/glint] |
أخيرا ابو وليد نزلت قصيدة من زمان ننتظر قصايدك
حقيقة قصيدة في غاية الروعة وتحتوي على نصائح في غاية الأهمية إلى الأمام يا ابو وليد ولا تطول علينا بقصايدك |
صح لسانك
ونفعك الله بأبنك واقر عينك به تحياتي واحترامي لك |
ابا وليد /
لاشك أن للأبناء غلاة تفوق غلاة الروح , وأنا عندما قرأت القصيدة وجدت أني لا أقرأ بل أستمع لفطرة الأبوه وهي تقدم عصارة ما إكتسبته الذات من تجارب , ولعل وليد وأخياته يعون أنهم يملكون أباً لا يقل عن كثير من الأباء بل يتساوى إن لم يزد , فمن عاش يتيماً ليس كمثل من عاش في كنف والديه . سعدت بتواجدك |
صح لسانك يا أبا وليد
وأصلح الله لك الذرية شكر الله لك تواجدك ومشاركتك وإضافتك لهذه القصيدة الرائعة |
صح لسانك ابو وليد |
الاخوة الاعزاء اشكركم على الاشادة بقصائدي والتي هي اهداء مني اليكم .
كما اني احبكم دون استثناء واشكر بعد الله من اولاني الثقة . ومن سأل عن معنى كلمة ( ارفل ) . فالارفل هو الرجل الذي لا يحسن التصرف رغم ثراءه (( دلخ 666 ) |
رد: قصيدة دينية
صدق من قال . إن من النيان لسحر وإن من الشعر لحكمة .
والحمة الدينية تكون بالتوجيه والإرشاد والنصيحة والدين النصيحة . وإذا إرتبط الشعر بالنصيحة وغرس مباديء الخير وحسن الخلق والتمسك بعرى الدين القويم فهذا شعر دينيا يحتسبه صاحبه عند الله يوم تنصب الموازين . واحسب ان الشاعر هذا قصدة . ونسأل الله له المثوبة . والله الهادي الى سواء السبيل . |
Re: قصيدة دينية
صح لسانك يا ابا وليد متمكن دوما بجميع اغراض الشعر لاعدمناك |
رد: قصيدة دينية
اقتباس:
ماشاء الله صح لسانك وننتضر منك الجديد |
| الساعة الآن 03:28 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by