ارتاح ياشاعر عتيبة والرياحي لا يقوم
[POEM="font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]رجاء الله =
ارتاح ياشاعر عتيبة والرياحي لا يقوم =بمزح على صياف بن عمي وأبا اسولف معه وانكان ضيقنا ووصل الضيق لا روس الخشوم=ماكل رجال ينوش الخشم في راس اصبعه صياف = صحيح من قال الحقيقة صارو الصدقان قوم=ريحت عدوانك وتبغى لك رفيقٍ تتبعه إليا وصل وقت الزعل مايزعلون إلا الرخوم=هذا الكلام اللي نغني به وسمعك يسمعه رجاء الله = لو ما نحد السيف ياصياف ما يقضي لزوم =بأحد سيفي وارفعه بأحد سيفي وارفعه والقطب وسهيل اليماني عالياتٍ فالنجوم =واصحى تصير الأربعين البيض خمسة وأربعة صياف= وراك ماساعدتني على عتيبة والبقو م=برطمك ما تصبر عنه ترخيه وإلا ترفعه ما تذكر أيام البراد إلا ليا اونست السموم=والنجم الأقشر لا طلع خله يروّح بسنعه رجاء الله = لو أنت جالس في خطر نجلس معك ولا نقو م=مير انت عند اصحابنا ترعى الحلال وتجمعه أذكرك وانته منتصر وابكيك لو رحت مهزو م=وإليا عطاك بليس بشت الصوف شقه وأرقعه صياف = عز الله انك كنت فارس قوم وحصانك عزوم =مير اعترضك الفارس اللي ضربتك ما توجعه انته لسانك مثل حد السيف في بعض العلوم=لاكن ماتعرف حليب الديس حتى ترضعه رجاء الله= عز الله اني فارسٍ قسمه من كبار القسوم=لو أن راسك مثل روس القوم والله لأقطعه وان صارت الحسنه خصوص وصارت السية عموم=ان ماذبحت الذيب ياصياف والله لا فجعه صياف = قبل أمس ماشفنا شعاع الشمس من كثر الغيوم =والسن الأبيض لا دخله السوس والله لأقلعه انته وانا كنا جماعه والصداقة ماتدوم=والهوش لا طول يبى واحد حكيم ويفرعه[/POEM] |
رد: ارتاح ياشاعر عتيبة والرياحي لا يقوم
يعطيك العافية يا زملوق.
|
رد: ارتاح ياشاعر عتيبة والرياحي لا يقوم
ياعافيك ربي يازملوق وانتبه لا تزلق معك
|
رد: ارتاح ياشاعر عتيبة والرياحي لا يقوم
احسنت يا زملوق في هذا النقل ... بس قل لي
من الفرع بينهم ؟؟ كان كملتها شكل جا بعدها علوم |
الساعة الآن 11:50 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by