زحــــمـــة مشـــاعــر
 

[grade="00008B FF6347 008000 4B0082 000000"]

[/grade]
[poem="font="Simplified Arabic,5,darkblue,bold,normal" bkcolor="transparent" bkimage="" border="groove,7,chocolate" type=1 line=0 align=center use=ex num="0,black""]
ياصاحبي ماهي علامات واشراط=قولك قبل ماقلت قد قيل قبلك
يالله دخيلك عن متاهات الاسقاط=وش حالة ابن آدم ووضعه مفكك
في داخلي شوق وغضب جد وهياط=تلقا لها في داخلي ألف مسلك
بين الحنايا تسمع ضحوك وعياط=وجه الرضا يستقبله وجه منهك
زحمة مشاعر مزعجه ريحها شاط=فوضى بدت في خاطري وانتهت بك
تدني أمل مني وتستدبر احباط=بيني وبينك ودها فيك (تحتك)
جتني بلا ترتيب مجموعة نقاط=واخذت ارتبها ... وعكيتها عك
نظامها مبني على شكل مغاط=فيها ومنها الوضع مزعج بلا شك
نظام ما تاخذ منه ربع قيراط=الا إذا لك ناب مدعوم من فك
وضع انبنا من قبل تاريخ الاسباط=يرضي حروف وبعضها صكها صك
ياطيب حرف(ن) جا على حبك خطاط=ماهو كما اللي في خويه مشربك
ياليت من مثلي ومثلك لها احتاط=ما كان جا فيها مجالات للشك
[/poem]

رد: زحــــمـــة مشـــاعــر
 

كنت بأسوي اقتباس للبيت الخامس والسادس لأنها اعجبتني وبصراحه كل ما اقرأ بيت اشوفه احسن من الثاني
يعني احتاج اسوي اقتباس للقصيده كامله
يفرحني من جد يفرحني اكون اول واحد يرد على هذي القصيده التي تعجب حتى اللي مايفهم بالشعر
شكراً
تقبل مروري
اخوك الذيب

رد: زحــــمـــة مشـــاعــر
 

أخوي الذيب

وانا كذلك يسعدني أن أرى معرفك كأول من يرد علي هنا

وكلامك الحلو يسعدني أكثر واكثر ... وطالما انك أسعدتني .. الله يسعدك يا أمير

اخوي الذيب ... مرورك شرف .. لا عدمتك

رد: زحــــمـــة مشـــاعــر
 

سنا الهجرة
بقدر ماوضعت لنفسك بحر من المحبه
والاحترام وطيبة الاخلاق لشخصك الكريم
وضعت ايضا كلمة قويه وشعر جميل
اهنئك وبيض الله وجهك
اخوك فارس الكلمة

رد: زحــــمـــة مشـــاعــر
 

يا سلام على الشعر والشعار..

إبداع ..على إبداع ...مع إبداع..

بيض الله وجهك..وصح لسانك..

لا عدمناك..

رد: زحــــمـــة مشـــاعــر
 

رد: زحــــمـــة مشـــاعــر
 

رد: زحــــمـــة مشـــاعــر
 

نظام ما تاخـذ منـه ربـع قيـراط *** الا إذا لك ناب مدعـوم مـن فـك

ياسلام عليك ياخالي والله انك مبدع

لن قلت لي وين بيت القصيد انا اشوفه المذكور بعاليه
ولعل في الخاطر بيوت كثيره لكن هذا اللى راق لي اجعله عنوانها

رد: زحــــمـــة مشـــاعــر
 

ههههههههههههههههه الله يخارجنا

ما لقيت الا هذا يابو أمجد

لو ماني خالك كان قلت .. أنت طالع لمين

الله يسعدك دنيا وآخره .. كل ما أقرا لك رد أقعد أضحك

بس بصراحه انت خطير !!!

رد: زحــــمـــة مشـــاعــر
 

شاعرناومشرفنا/سناء الهجرة
وين غبت عنا
صح الله لسانك
جزلة من راس جزل

دمت بخيروعافية