قصيدة لشاعرين
 

[poem="font="Simplified Arabic,5,darkblue,bold,normal" bkcolor="transparent" bkimage="" border="solid,1,blue" type=2 line=0 align=center use=ex num="0,black""]مافيه شي الا ولازم له نهايـه ( ينتهـي )=بس أحلى شي انا نخلي احلى حلا بنهايتـه
حتى نخلي الذكريات اليا انتهينا( تبتـدي)=طبع البشر يحيى على الذكرى .. وهذي غايته
مابه على الدنيا سعاده دايمـه ياصاحبـي=اللي عرفنـا بدايتـه لازم نعيـش نهايتـه
اللي يحز بخاطري لا صار فرقانـا غبي=يهدم علينا كل فرحتنـا .. ونرفـع رايتـه
يا ضعف ابن آدم ويا مقساه ويش اللي يبي=يموت ما فسر لمن حوله جنـون غوايتـه
يا فتنة الدنيا كفايه .. عن طريقي جنبـي=قولي لغيري لوعة الفرقـى تراهـا جايتـه
أما أنا... أخذت من فتنة جمالك مـا أبـي=ما عاد يبهرني الزمان ولو تشـع مرايتـه[/poem]



[poem="font="Simplified Arabic,5,blue,bold,normal" bkcolor="transparent" bkimage="" border="solid,1,darkblue" type=2 line=0 align=center use=ex num="0,black""]شريت راحة خاطري حافظ سجلي ومنصبـي=واطرب لمن شام العـلا بحكمتـه وروايتـه
ماني بطراد السراب لو كان ريـمٍ او ضبـي=ولا ني وكيل الآدمي .. كلا حسـب هوايتـه
ماذل روحي وانهزم وانا علـى سنـة نبـي=حافظ كتاب الله واعمل بـه وأجيد تلاوتـه
نار الهواء ياهل الهواء ظلمً على القلب وسبي=أما اكـل قلـب العنـا ولا بـرك بوصايتـه
اسابق الايام لو احبي علـى الركبـه حبـي=واغلف الذكرى مع الصاحب بطيـب بنايتـه
لا يسر الله لصاحبي واشي ومجنون وصبـي=تبقى الشهامه والمروة فـي عيونـه بايتـه[/poem]

رد: قصيدة لشاعرين
 

دويتو يا بو عبدالله
يعطيك العافية وصح الله لسانك ولسانه

رد: قصيدة لشاعرين
 

يابو هبه
أولا أشكر لك مرورك اللي يفرح قلبي الله يفرح قلبك بشوف من تحب
وثاني شي ( دويتو)

هذي وقفت عندها بضع دقايق .. وبحثت عنها في قاموس ثماله وما لقيتها

هي وش معناها

أحسبك تقصد ( ديو تو ) الا وهي ما هي ديو تو

قلت يمكن وت ديو دو .. ولا طلعت هي
أكيد المعنى في بطن الكاتب

رد: قصيدة لشاعرين
 

أب أب
تراها مصطلح لأي ثنائي يكمل بعض
تبيني أسهب أكثر لياجيت الطائف وتعشينا عند بن داخل

رد: قصيدة لشاعرين
 

ههههههههههههههههههههههههههههه

سبحان الله .. ماقد مر علي هذا المصطلح .. الله يصلحنا واياك

لكن الوعد عند بن داخل إن كان الله هداه وعشانا

وتعطيني علومك .. على شان أطور قاموسي القديم

رد: قصيدة لشاعرين
 

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا ضعف ابن آدم ويا مقساه ويش اللي يبـي =يموت ما فسر لمن حولـه جنـون غوايتـه[/POEM]

هذه تعدل قصيدة
صح لسانك يابو عبدالله
سبحان الله العام الماضي كل ليلتين وثلاث أسمع بعشاء عند بن داخل
السنه هذه ما شوفه غير في القصور واللي ما هو مصدقني يجي بكرة الجمعة ليلة السبت في قصر ليلة عمر ويشوف بنفسه

رد: قصيدة لشاعرين
 

صح أبدانك يا شبلي

وجودك هنا تشريف يالغالي
وعلومك وناسة في وناسة

بس لا تغتاب ابن داخل تراني خاله ولا أرضى عليه
الظفر ما يطلع من اللحم يا مال الشحم


ودمت لنا

ههههههههههههههههههههه

رد: قصيدة لشاعرين
 

يعطيك العافية يا ابو عبدالله

حكيم ...ومبدع..

حقيقة كل بيت من أبياتك أجمل من الآخر ...تحمل في ثناياها الصدق والعاطفة الطيبة..

دمت ودام لنا هذا الاحساس المرهف..

وأما الشاعر ـ الصقر ـ فيبدو أن له نظرة في الحياة..يراها دون غيرة..

رد: قصيدة لشاعرين
 

رد: قصيدة لشاعرين
 

شاعرنا ومشرفنا /سنا الهجرة

صح الله لسانك
وصح الله لسان الصّقر
هذه مساجلة جميلة اسستمتعنا بها

دم بخيروعافية

اخوك/خلف الثمالي