الفشخره....
 

من قلب وفكر شاعر لما يدور الحديث حوله في بعض الاوساط حول سبب ضياع الجيل وانحلاله الاخلاقي كان لي هذه المتواضعه من باب الادلاء بدلوي...

................. ........................ ......................
[poem=font="Traditional Arabic,4,000000,bold,normal" bkcolor="" bkImage="" sdImage="" border="none,4,#000000," type=0 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]


يقلون سمّ العقربه في ذنبها=والداب سمه تحت الانياب مدسوس
الله خلق لي عقل يدرك نشبها=والله عطاني من عطاياه بحسوس
اعرف اميز فاللحا مع شنبها=واعرف نظيف الحب والي به السوس
بعض الرجال ان مانعها نسبها=لاشك في عرقه من الخبث لاموس
وبعض الرجال ان ميلت ماصلبها=ولا له على الطالات عزمٍ وناموس
والمرجله ماكل رجل ٍ كسبها=ولاحدٍ لقاها في كراريس ودروس
وولد الحمايل لاطلبها ..طلبها=تاتيه عزمه كنها رمي نادوس
والبنت لامن ضاع منها ادبها=تلقى لها بين الحثالات دنفوس
يلعب معاها لعبة الحب سبها=وتصحى من اللعبه على عرض مدنوس
رقى بها فوق السحاب وغلبها=سيارة ٍ كشخه وجوال وفلوس
وبنت الحمايل دايم الدوم نبها=لاعضها جرذي ولاقرص ناموس
بنت ٍ عريبه ماتخيب عربها=الطهر والعفه لهادوم ملبوس
تلقى لها كفو ٍ يحقق اربها=يشقى عليها لو معاشه من الفوس
وتعيش حره عرضها ماثلبها=في عزة ٍ تحيا مع شمخ الروس
ويقلون سم العقربه في ذنبها=والداب سمه تحت الانياب مدسوس
قصة ضياع الجيل هذا سببها=سيارة ٍ كشخه وجوال وفلوس
يقوله النادر وبيده كتبها=الفشخره ماتبني عقول ونفوس[/poem]

.........

ابا هبه لعلني اكون قد ارضيتك بهذا التواجد

عبدالله

مرحبًا بعودتك أخي الكريم ـ النادر

وصح لسانك...ننتظر المزيد...

بارك الله فيك ايها النادر

يالله يابو هبه شد الحيل

النادر:

فعلا أنت نادر وتستحق الاحترام والتقدير لما تكتب.

الآن فقط عرفت سر تساؤلات بعض الأعضاء عنك بعد قراءتي لهاتين القصيدتين
وهم محقون فعلا.

امض على بركة الله.

ابا عبدالرحمن


ابك البقا يارجل

صح بدنك ولاهنت على الثناء


اتمنى ان استطيع ارضاء اذواقكم


النادر

هلا والله بمطر الليل

المهلي مايولي يا اجودي

صح بدنك .... وابشر انت غالي والطلب رخيص

تحياتي

النادر

اخي خلف

والله يبارك فيك يالشامخ

ترى ابو هبه كنه اياي .....

لبيت دعوته ودعوت صديق آخر للعوده


خذ راحتك يابو هبه .... اهم شيئ مر من هنا


النادر

الصاروخ

اشاده من شاعر لم تفرغ الاكف من التصفيق له بعد ....
احترم هذا المرور من هنا
لايغرك اخي اسئلتهم من البطا يسئلون ......
تحياتي
النادر