منتديات بلاد ثمالة - رد على الشاعر الذي شبه الكعبه ( شرفها الله ) بـ لميس

السلام عليكم ورحمة الله وبركاته

رد الشاعر محمد بن دخيل القثامي العتيبي على الشاعر الذي شبه الكعبه ( شرفها الله ) با المدعوه لميس

للحق صوتٍ من ثلاث ايام في فكـري يـدور
والسالفـه ماهـي قصيـده تِنْكِتـب بكتابهـا
لاوالله الا خايفٍ من عاقبـة بعـض الأمـور
ومن كلمةٍ ينطق بها اللي مايحَسْب حسابهـا
وينْزل غضب ربي علينا ثم نهلك فـي دبـور
أمثال من ربي ذِكَـر فالذِكْـر سـوّْ عقابهـا
وياسعود جيتك والخبر تلقاه من بين السطـور
من بعْد ماسقت القـدم بسهولهـا وهضابهـا
وامسيت دمّي مثل غيري من هل العزّه يفور
في ليلةٍ أضفَت على راس الجبـل جلبابهـا
ولمحت فيها الفتنه اللي ضيّقت كل الصـدور
وانا الذي من قبْل احذّر من قبس مشهابهـا
كتبت عن فتنة لميس وصحت بلسان الغيـور
وبيّنْت واقعهـا بعـد ماشفـت جـرّة دابهـا
واليوم شفت اللي يقدّسها وبالصوت الجهـور
ويحد سيفه والدعـاه اهـل الهـدى يغتابهـا
ويشبه الكعبـه براعيـة التبـرج والسفـور
في سابقه . وابرا الى المولى من اللي جابها
مدري طغى والا غوى والا يـدوّر للظهـور
لكـن عسـاه بعلّـةٍ جـوف النحـر يبلابهـا
ويالله يامحيي الرميم وباعـثٍ مَـنْ فالقبـور
رحمتـك يارحمـن عنّـا لاتصـك ابوابـهـا
حنا عبادك نطلبك رحمتك في خيـر الشهـور
فلاتواخذنـا بِجُـرْم اهـل الفتـن واربابهـا