السيئه ....
 

الاحبه
آليت ان اشعل المنتدى بكل اشكال المشاعر ....
ارشيفيه كتبت منذ مايزيد على السنه والنصف علها ان ترتقي لذوائقكم الفارهه

.............. ................ ................

[poem=font="Simplified Arabic,4,#000000,bold,normal" bkcolor="" bkImage="" sdImage="" border="none,4,#000000," type=0 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]
ماني ضعيف ٍ يدور نصر بابياته=من موقفي تاخذ العزه بي ابياتي
ولاني بمغرور يسبح في بحر ذاته=عرفت انا ابعاد نفسي واحكم لذاتي
ولاني انتهازي يعيش بحكم لذاته=العقل يحكم احاسيسي ولذاتي
ولاني بخيل ٍ يعيش العمر بفتاته=شوفي الطوابير معتاشه على فتاتي
ولاني هبيل ٍ يعيش العمر سجاته=انا المراجل تمنى بس سجاتي
ولاني وضيع ٍ غرامك هو بطولاته=تاريخ ربعي اسجل به بطولاتي
ولاني من الي بكلمه وده وهاته=انا بكيفي اروح وان رحت ما آتي
ولاني من الي يكثر دوم لاآته=وان قلت انا لا فالاآت لاآتي
وانا من الي تمنى الغيض زلاته=مات بقهر ماحصل له بعض زلاتي
غيري كثيره بهذا الوقت نزواته=وانتي الوحيده اذا باعد نزواتي
وغيري فلايستحي من كثر هفواته=وانا اموت بخجل من قل هفواتي
الله خلقني بشر له بعض غلطاته=وانا اعترف كنتي انت بعض غلطاتي
شاعرك يافاتنه وان طول سكاته=حكمه ولاهو بضعف ان طول سكاتي
والحين جاك الفراق بملح عبراته=ماني بمكلوف اهل اليوم عبراتي
كم عشت ليل الهوى صحوه وسكراته=والحين حتى الهوى قد مل سكراتي
وكم عشت لاجل الهوى بافواه شماته=والحين ابقطع حكي عاذل وشماتي
وكم كنت ليل الهوى زيته ومشكاته=والحين ابطفي بليل الحب مشكاتي
بعض العرب عايش ٍ عمره بعلاته=وانا الوحيد الي اعرف طب علاتي
داري على الجرح لاتغمته لزقاته=وان كان تبغين زود اعطيك لزقاتي
انا بدونك عرفت الشعر وابياته=وانتي تضنين انك اجمل ابياتي[/poem]

.......

النادر /
تقول سنه ونصف
أقول هذه من القصيد اللي يصلح لكل زمان
وأقول خلها تمت بغيضها
اللي يطيح من مخلب النادر تاكله الغربان

قصيدة جميلة وانت شاعر كبير يدل عليك ابياتك الجميلة

احسنت اخي النادر وبارك الله فيك

ابا هبه

اقسمت لك انها ارشيفيه وليس هذا مكان الدعايه للموقع الذي اكتب به

تحياتي لروحك المرحه

النادر

الحرثي

ممتن لمرور الاكارم من هنا

وثناءك محل التقدير

دمت بخير

النادر

ابو فهد

والله اني احب اشوف اسمك هنا

لكن ماكتب لي اسمع منك شيئ , ما اشوف الاغبار مرورك من هنا وصوت بواري ووووووووووور

سعدت بمرورك اخي

النادر

ابو وليد

شكرا لك هذا الثناء وشكرا لك المرور

تحياتي

النادر