التفحيط
 

الـتــفــحـــيـط

[poem="font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
قلت من شيء ٍ طرى لي بالفـؤاد=جـا على بحـر ٍ وَفي تاليْه ميـم
يا ولد خـلّ التفحـّط والطراد=لا تصـير ابذا مع الطاغي لزيم
التفحـّط والتسكع والفساد=ما تفوز ابها ولا تغـدي زعـيم
كيف ترضى بالاذى لاهْـل البلاد=كيف ما تخشى الذي فوقك عـليم
كم قرير ٍ نايم ٍ فوق المخاد=انزعـج وامسى صـفا سماه غـيم
والمريض اللي تروّع منـْـك زاد=واخـتلف من في صـلاته مستقيم
غير هذا موترك بالجور باد=تحسب انك عاقل ٍ وانت َ وهـيم
من يحـطـّك في محـل الاعـتماد=من يعـزّك من يقول انك حشيم ؟
==
يا هل المعـروف روّاد النواد=النصـيحة يا هـَـل الراي الحكيم
بـلــّغـوها مـَن لها بالصـدق راد=يحـذر الدعـوات بالليل البهيم
==
راح ذا والقيل باقي له مداد=عـندنا يوم ٍ هو لـنا نديم
يا مـلا اثر الجهالة والعـناد=ما بها مصـلوح للرجل الفهيم
ما فـلــَح راعي العَـيَا ون ساد ماد=ما ينال العـزّ رجــّال ٍ غـشيم
أفلح الماشي عـلى درب الرشاد=الحليم العـاقل الفطن الكريم
==
من يعـاف الخير من يجفا البراد=من يريد انه من العـزة فطيم ؟
من يتيه وْله دليل بكل واد=اشهد انه يا ملا عـقـله سقـيم
[/poem]==
وســـلامتكم

رد: التفحيط
 

صح لسانك وعلي شانك
كل عام وانت بخير وعودة جميلة
الطرح ذائق فالتفحيط آفة من آفات الشباب هداهم الله
كم من أبرياء كان الموت نهايتهم
وقفات جميلة استوقفتني

ما فلَح راعي العَيَا ون ساد =مادما ينال العـزّ رجّـال ٍ غشيـم
أفلح الماشي على درب الرشاد =الحليم العاقـل الفطـن الكريـم

من يتيه وْلـه دليـل بكـل واد =اشهد انه يا مـلا عقلـه سقيـم

رد: التفحيط
 

صح لسانك ...شاعرنا وضيفنا الحبيب ـ عبدالرحمن الغريب ـ

والله يصلح الشباب...

رد: التفحيط
 

صح لسانك
ياليت اعرف افحط وترى الي ما يفحط تلقاه غشيم مثلي
رياضة التفحيط لها ضوابط وشروط يجب الالتزام بها والي يحب التفحيط يروح احد الصحاري الرمليه وياخذ راحته هناك

رد: التفحيط
 

صح لسانك ....... وبارك الله فيك

رد: التفحيط
 

الله الله
ياشاعرنا عبدالرحمن الغريب
لقد تناولت بشعرك العذب ظاهرة التفحيط السيئة لدى الشّباب
وهنا يكون الشعر رسالة
دمت أخي الحبيب بخيروعافية
أخوك/خلف بن عبدالعزيز الثمالي

رد: التفحيط
 

الأخ العزيز جميـــل كـــــردي :

تشرفت بمرورك . . وإني أثمن لك شعورك وحسن ذوقك

صح بدنك وجوزيت الخير والعافية .

أشكرك
=

رد: التفحيط
 

الأخ العزيز أبـــو عبدالرحـمــــــــن :

شرفني مرورك أيها الأستاذ . . وصح بدنك من كل شر وضـر .

الله يصلح عيالنا الشباب ويدلهم على الخير واتباع الحسن من كل شيء

اشكر أخي كثيرا ً
=

رد: التفحيط
 

الأخ العزيز صــقر قــريش :

يا مرحبا ً أيها الصقر . . شرفني مرورك

الحمد لله انك ما تعرف تفحط ولا أنت من هواته علشان تفتك من الدعاء والظلم . . وما ذكرته عن مجال التفحيط ومكانه صحيح ومع ذلك

يعتمد على الذوق والأخلاق والفن .

أشكرك كثيرا ً
=

رد: التفحيط
 

الأخ العزيز الشاعر خـلــف الثـمــــالي :

مرورك يضيء الصفحة ويشرف صاحبها أيها الشاعر الدمث

أخي وأنا معك في القول بأن الشعر رسالة للمجتمع وبئس به إن لم يكن كذلك .

اشكرك كثيرا ً
=