الحر صعب (ن) ماقعه من يجيله
 

[poem=font="Tahoma,2,#660000,normal,normal" bkcolor="#FFEDAA" bkImage="" sdImage="sides/10.gif" border="solid,1,#cccc00,#999999" type=2 line=0 align=center use=0 shcolor="" shgcolor="" gwcolor="" stretch="300" pwidth="500" num="1,#000000" break="breaklines/13.gif"]
الشكر لله فاول الوقت واتلى = نشكرك ياراعي العطايا المهيلة
أضفيت سترك ياعظيم المحلا = سترك علينا ماندور بديله
يامرحبا بالصاحب اللي استقلا = فالنايفات بكل عزم وفتيلة
يرقى على الطالات من يوم طلا = يمناه ماخطت حروف هزيلة
يوم ان غيره هرجته ماتحلى = ماحاد عن درب الرجال الأصيلة
المعرفه ماظنتي عنه تسلا = ولالها في صدر غيره نزيله
أنا اشهد ان الحر مايستذلا = الحر صعب (ن) ماقعه من يجيله
بيت الكرامه والشهامه يدلا = منصى الرجال أهل البصر والفضيلة
أنااشهد ان العارفة مايظلا = فالمعرفه دايم حباله طويلة
يابادع القيفان لاوالله الا = اتعبت بن داخل برجله وخيله
يمسي على عوج العراقيب يكلا = يكلا بيوت الشعر لا جت محيلة
يرد شاردها ويحدى المظلا = ولايقبل اللي في معانيه ميله
ينشد عن بروق الحيا الأرض واهلا = لكن محد(ن) جاب له علم سيله
من حادر الديره والا من اعلا= والا من الطايف حليله حليله
طبيت سوق المعرفه يامعلا = واقفيت مع بابه بكل الحصيلة
واللي بغى يبتاع فالسوق ظلى = مره يحط القاف واخرى يشيله
يبدي حسوف (ن) له على وقت زلا = وقت تسوم الناس مافي صميله
واليوم لا شاري ولا من يزلا = ولاحد ينشد عن منازل بجيلة
وختامها مني صلاة تصلى = على النبي اللي عرفنا سبيله [/poem]

قصيده جميله جدا من شاعر والى شاعر بكل المقاييس


ينشـد عـن بــروق الحـيـا الأرض واهــلا = لكـن محـد(ن) جـاب لـه عـلـم سيـلـه


الباقي عليك يالصاروخ اخلص على الرجال بالعلم هههههههههههه

تحيايي لكما ايها الشاعرين

يابن داخل /
حياك الله , أشغلك النحل
لا والله الا بتتعبونا حنا يالصفوف
ودي انك يالصاروخ تريحه وان كان ظني يابن داخل من عالي الديره وانه رجل ( تمشلح بمشلحه ) او حولها دندن .
والمنتدى للجميع ولا حصل منه الا اللي يستاهله

صح لسانك يابن داخل

بن داخل

بيض الله وجهك ووجه الصاروخ

العلم جاك من بن سلمان

النادر

يامحمد /
بيض الله وجهك انت والصاروخ
علوم زينه ورزينه

أشكرك على مرورك
 

زهور الريف
أشكرك على هذا الثناء
وماهي إلا محاولات لمجارات الشاعر الكبير الصاروخ
مرة أخرى لك شكري

تقول وتطول
 

حياك الله , أشغلك النحل


لا والله الا بتتعبونا حنا يالصفوف

بن سلمان
أصبت بعضا وأخطأت بعضا
الاوله صح والا الثانية خليناها لابو شرف
واللي لهم باع فها العلوم وخلنا ورى هذا الكيبورد
واربنا يجيب العواقب سليمة
وبعدين الرجال تمشلح بمشلح عز ووقار
ودندن والا لا تدندن كلنا رفاقه من أعلى الدير لين أسفلها

بن داخل :
هآانت تثبت لي بالدليل القاطع صحة ماأشرت اليه سابقا.
كفيت ووفيت . شاعر حكيم والحكمة ضالة المؤمن .
لافض الله فوك.
لك شكري وتقديري.