خفافيش الظلام
 

[poem="font="Simplified Arabic,5,red,bold,normal" bkcolor="transparent" bkimage="images/backgrounds/.gif" border="outset,2,darkred" type=1 line=0 align=center use=ex num="0,black""]
كنت في حالي لو اني في زحام=ما يأثر بي ضجيج العابثين
واضح المقصد وخطواتي نظام=لا تلفت لا شمال ولا يمين
حالتي حالة كثير من الانام=وراس مالي ستر رب العالمين
من صلاة الفجر إلى وقت القيام=ما مشيت الا طريق الغانمين
العمل والبيت والمسجد وانام=جامع الثنتين من دنيا ودين
أعشق الحكمة وترتيب الكلام=وآخذ امن المرجله سمن وسمين
وآتعوذ من خفافيش الظلام=وماخذٍ حذري من ابليس اللعين
باختصار أول على أحسن ما يرام=مثل ما قد قيل (سيد العارفين)
لين جاني الضرب من تحت الحزام=من يدين اللي على روحي أمين
بعدها ... ماني بهذاك الغلام=حالتي حاله ومكنوني دفين
صرت انام ولاتهنا بالمنام=وآتظاهر بالفرح وانا حزين
كل ساطع ضو بعيوني عسام=وكل زين في عيوني ما يزين
يستثير الشوق نوحات الحمام=واسبل الدمعه وقلبي مايلين
وش على مثلي بعد هذا ملام=لو فعل مهما فعل ماهو مدين
من يشوف الغدر بهدوم السلام=واليمين يسار واليسرى يمين
قال ياعالم (على الدنيا السلام)=كيف من تأمن يسوي لك كمين
[/poem]

رد: خفافيش الظلام
 

صح لسانك يا بو عبدالله
إذا كان الغياب بيجيب لنا مثل هذه القصيدة فلا والله إلا كثر منه
في البيت الثالث رب العاملين وإلا العالمين

رد: خفافيش الظلام
 

الله الله يا أبا عبدالله..

حكيم ...مافيه كلام ولا نقاش..

وأما الشاعرية ..فلك فيها القدح المعلى..

صح لسانك ..وسلم بنانك ..وصدح صوتك..

رد: خفافيش الظلام
 

شاعرنا,ومشرفنا/سنا الهجرة

أثر قلبك خضر
صح الله لسانك
والله جزلة من راس جزل

دمت بخيروعافية

رد: خفافيش الظلام
 

رد: خفافيش الظلام
 

رد: خفافيش الظلام
 

رد: خفافيش الظلام
 

العمل والبيـت والمسجـد وانـام
جامع الثنتين مـن دنيـا وديـن
هذا حال كثير من الناس اليوم
يعطيك العافية تفخر منتديات ثمالة بك

رد: خفافيش الظلام
 

رد: خفافيش الظلام
 

صح لسانك ياخالي

والله كلام عليه الكلام وحكمة بالغه

تصدق لي اسبوع وانا ادخل المنتدى متصفح واخرج من حيث دخلت واليوم شفت ما يستحيل المرور عليه دون اطراء