الشعر مثل السيف يصرم صرامي
 

أرسل لي الشاعر سفران بن محمد العيلي الملقب بـ ( بعيد المرامي ) قصيدة يقول في بعض أبياتها :

[poem=font="Tahoma,2,#660000,normal,normal" bkcolor="#FFEDAA" bkImage="" sdImage="sides/10.gif" border="solid,1,#cccc00,#999999" type=2 line=0 align=center use=0 shcolor="" shgcolor="" gwcolor="" stretch="300" pwidth="500" num="1,#000000" break="breaklines/13.gif"]
يا فايز انهض هات لي بوك وأقلام = واكتب وأنا بمليك حلو الكلامي
يا فايز اكتب فأول السطر قدام = بسم الله الرحمن منشي الغمامي
واكتب بعدها سنة أصحاب الإسلام = اللي لهم مني كثير السلامي
عداد من صلى الفرائض ومن صام = واعداد طلعٍ في جديد النوامي
واكتب لهم في داخل البوك بنظام = بيوت شعرٍ من بعيد المرامي
تاصل لابن سلمان في وزن واحكام = الشاعر اللي له وقار ومقامي
شاعر يصوغ القاف وللشعر رسام = ينقش حروف الشعر نقش الأسامي
حسب العلوم اللي تجينا عن العام = واليوم أنا للرد جائع وضامي

.................................................. .................................................
فقمت بالرد على هذه القصيدة بالأبيات التالية :

يــا مـرحبــا تـرحـيـبــةٍ تـرزم رزام = عــداد هــمّـال الــسـحـاب الــردامـي
وعــداد مـا تجـري اللـيـالي والأيـام = وعـداد نبـت العـشب في كل سـامـي
وعــداد مـا هـلـل وكـبــر بالإحــرام = وحـــج بـيــت الله يـــوم الــزحـامـي
اللي تورى في الشعـر ينصب خيـام = أنــا عـلـى خـطـه منـصـب خـيـامـي
والشعـر ما هو مثل شفره ومصـرام = الشعـر مثـل السيف يصرم صـرامي
والشعـر عـند أهـلـه كما السيـل دمام = ياطـى المنـاحي والهـضـاب القيـامي
لو كـان حطـولـه على الـدرب لطـام = يــاطى عـليـه الـسيـل حـتـى يـنـامـي
والشعــر مـا يـبـغـى معـالـج ولــزام = كـنـزٍ مـكـرم فـي صـدور الـكـرامـي
مثـل البـحـر ما يشـرعـه كـل عــوام = مــا كـل مـن جــرد ثـيـابــه وعــامي
طاري الوهم ما هو بواجب للأرحام = يــا بعــد رميــك يــا بـعيـد الـمـرامي
عـندي نصيحـه لا تـقـع مثـل صـدام = فـي حـفرة مـا بـعــدها إلا الـعـدامــي [/poem]

[font=Arial]انعم واكرم بك يا بن سلمان وبيض الله وجهك ،.....[/font]

بن عزاب

نعم ايها العم

الشعر مثل السيف يصرم صرامي

ابنك خلف بن عبدالعزيز

أنعم وأكرم بك يا أبا شرف , وانعم وأكرم بأبي فايز سفران العيلي , وانعم واكرم بأخواننا ألذين تربطنا بهم روابط لا تحصر منها المصاهرة والثقافة والتاريخ والجوار , قبيلة العيلة ألأحرار .....

صح لسانك..وأنعم الله عليك بالصحة والعافية

[center]صح لسانك ابو شرف والله يعطيك الصحه والعافيه[/center]

أباشرف:
أحسنت الرد وصح لسانك وقد أعجبني قولك:
والشعر مايبغى معالج ولزام......كنز مكرم في صدور الكرامي
مثل البحر مايشرعه كل عوام.....ماكل من جرد ثيابه وعامي

لكن ترى الأيام هذي ياكثر الناس اللي جاهزين بملابس السباحة وبعضهم منكفت وسط لستك منفوخ هواء ولايخرجون من البحر الا بالملح وياكثر الطرفشة .

أبا شرف /
صح لسانك , بس كن في قافك علم قصرت دونه
الصاروخ /
وجهة نظر لا أعارضك فيها
بس عتبي على من يسبح ولا يسبحني
الشعر ماهو جدر وأنتبه لجدرك لا يميل
والحكمه ما تجي مع هدا هدا
تقبل مداخلتي وأشكر لك أريحيتك مقدما

رد : الشعر مثل السيف يصرم صرامي
 

صح لسانك