التفت لهاجسي والفكر والقلب الفطين
 

[POEM="font="Simplified Arabic,5,black,bold,normal" bkcolor="transparent" bkimage="images/backgrounds/8.gif" border="double,6,gray" type=2 line=0 align=center use=ex num="0,black""]التفت لهاجسي والفكر والقلب الفطين=كلها في ساعة الميقاف جت باسمانها
يوم اوردها وصدرها على الغالي الثمين=باني بيوت العز مبنيه على سيسانها
والنوايا صادقه ماهي نوايا ضالمين =اعرف نوايا اهل الضليمه لابحرت بعيانها
واهل الحسد والحقد نعرفهم ليا جو فازعين=حتى في مجلسنا ولو تضحك ببيض اسنانها
واهل النميمه لو سعوا بالهرج بين المسلمين=الله يجازي اهل النميمه حسب قول السانها
بعض العرب مثل الافاعي سمها وسط البطين=ما تنومن لو انها تمشي على جنبانها
ماقول مافي الناس خير الناس فيهم طيبين=الله يبارك في الرجال اللي الوفا عنوانها
اللي لياجا الضيف قال اقلط عى سمن وسمين=في حلةٍ من طيب اهلها شرعت بيبانها
يقولها شاعر مجرب في الزمن عسره ولين=غاص البحور وجاب منها درها ومرجانها
واحمد الله دام لي قلبٍ ولي فكرٍ وعين=ماني كما اللي غرته دنياه كثر الوانها
متوكلٍ بالله وحاسب حسبتي دنيا ودين=والنفس ماترتاح حتى يعتدل ميزانها [/POEM]

رد: التفت لهاجسي والفكر والقلب الفطين
 

صح لسانك
متوكلٍ بالله وحاسـب حسبتـي دنيـا وديـن

ومن يتوكل على الله فهو حسبه

رد: التفت لهاجسي والفكر والقلب الفطين
 

صح لسانك ياسلطان

راعي العلوم السنعه من زمان

وعسانا واياك من الناس الطيبين

رد: التفت لهاجسي والفكر والقلب الفطين
 

صح لسانك يا شاعرنا سلطان....

رد: التفت لهاجسي والفكر والقلب الفطين
 

صح لسانك يالسلطان