وصف للطبيعة
 

[poem=font="Arial,4,000000,normal,normal" bkcolor="" bkImage="" sdImage="" border="none,4,#000000," type=2 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]
اليوم أنا شفت الطبيعة بعيني=أثر الجمال أنواع فيها تجمّع
الوان مزن ورعدها له دنيني=ذعذع هواها وشفت انا البرق يلمع
جادت بغيث اسقى الديار السنيني=سيله على الوادي تحدّر من الظلع
اسعد هل الديره وغنوا الهجيني=حتى المواشي شفتها اليوم ترتع
والطير غنى فوق خضر الغصوني=والروض يضحك للزهر يوم يطلع
ساعه نسيت بها الشقا من ضنيني=كني كما الطفل البري يوم لعلع
لاكن مهما كان عوّد حنيني=متذكر أحبابي على دار بلقع
يوم شفت انا ماعاد فيني وفيني=اخذت انا اقدامي والاعيان تدمع
مافي جمالك ياالطبيعه معيني=للي عشق واقفى لك الله مولّع[/poem]

يعطيك العافية ...وصح لسانك أبا وليد

نسأل الله تعالى أن يُغيث البلاد...

صح لسانك والله يعطيك العافية

صح لسانك يا خلف بن عبد العزيز

يعطيك العافية ياأبو وليد وأمتع دوما ناظريك بجمال الطبيعة

أبا وليد :
كني اقرأ للبحتري
بس الهجيني ما كنها غريبه علينا شوي
ينطيك الف عافيه

أحبتي في الله
ابو عبدالرحمن
أخطبوط ثمالة
ابن ناصر
مطر الليل
حسن عابد
ابو فهد
إياس
اشكركم من كل اعماق قلبي على المرور والردود واتمنى ان اكون عند حسن ظنكم
أخي الحبيب ابا هبه انت كالظفر لا يخرج عن اللحم الهجيني بحر وإن شئت فقل وزنا من اوزان الشعر العامي قد يتوافق مع وزن من اوزان الخليل
يترنم عليه اهل البادية والمسافرين على ظهور الابل عند سروحهم وعند عودتهم