قالها واحد مجرب
 

[poem="font="Simplified Arabic,5,black,bold,normal" bkcolor="transparent" bkimage="" border="double,2,gray" type=2 line=0 align=center use=ex num="0,black""]
يا مدور للمراجل راس مالك لا يروح=قالها واحد مجرب واتخذناها مثل
إكتسبناها مثايل وافتقدناها وضوح=أو جهلناها معاني لو حفظناها جمل
هذا حال اللي مساهم يوم كل له طموح=شاف كن السوق قدامه خلايا من نحل
واندمج مسكين ضمن السرب يعني وين يروح=شاف بعيونه جمال الكون واغراه الامل
جاب ما في الجيب مابقا غبوق ولاصبوح=حطها بيد الحراميه يبي ترجع دبل
مثل من يرمي حلاله فالصحاري والسفوح=من زوايا الأرض يجمعها وينثر في وحل
لين صار الوضع بعد العز غرفه في سطوح=بعد ضيع كل ما جمع (مسيكين انهبل)
الدراهم نازحه وقلوب اهاليها نزوح=من دري عمن دخل فيها نزل والا رحل
من دخل فيها معافى طالع وكله جروح=إن رضي هذا نصيبه وان زعل محد(ن) سأل
واسألوا من كان قد ساهم إذا يقدر يبوح=من هو اقوى صبر - لو قارنت - هو والا الجمل
أثر هذا الوضع ماهو لعب والطبخه تفوح=واحنا يا غافل لك الله شعب نايم فالعسل
[/poem]

رد: قالها واحد مجرب
 

يعطيك الف عااافيه


وصح لسااااانك


الله لا يحرمنا من ابداعاتك

رد: قالها واحد مجرب
 

ههههههه
الله يرد خسائركم.
صح لسانك

رد: قالها واحد مجرب
 

صح لسانك ياخالي والله يعوض على كل مسلم طاح في حبايل الحراميه

واحنا يا غافل لك الله شعـب نايـم فالعسـل
صدقت ان الشعب نايم بس والله ماكلهم نايم في عسل كثير منهم نايم في بصل لكن العامل المشترك بين الجميع ان الكل نايم

ملاحظه بسيطه
الشطر الثاني من البيت قبل الاخير سقط منه سهوا حرف النون عدله انت مشرف وعندك صلاحيات وبعدها شيل هذي العباره من مشاركتي

رد: قالها واحد مجرب
 

رد: قالها واحد مجرب
 

رد: قالها واحد مجرب
 

بيض الله وجهك يا سناء الهجره ،

الله اكبر ، الله اكبر ، راحت قرو ش الرجاجيل والتصفيق ما يرد القروش ، بغينا نطمر من الفقر للغناء في ثواني ودقايق ، والله المستعان لا جاء مكسب و لا بقي راس مال . المعوض الله .

رد: قالها واحد مجرب
 

اقتباس:

المشاركة الأصلية كتبت بواسطة الشيهان (المشاركة 226574) صح لسانك ياخالي والله يعوض على كل مسلم طاح في حبايل الحراميه

رد: قالها واحد مجرب
 

صح لسانك يا أبو عبدالله

والعوض من الله...وبعض الشر أهون من بعضه

رد: قالها واحد مجرب
 

صح لسانك ولاهنت يا ابوعبدالله..