منتديات بلاد ثمالة - يازناد الشعر

وجه الشاعر مانع بن شلحاط القحطاني النقد لما يقال عنه انه شعر حداثه , وهو غير صحيح من وجهة نظره ورأيه الخاص .

يقول : الشعر له قوافي وشروط لابد من اتباعها اما غيره يعتبر كلام جميل ..

مانع ظهر في شاعر المليون في حلقته الثانية من الجزء الثالث وقد ألقى قصيدته في الحداثة :

[poem="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يازناد الشعر والصوان ياراس الفتيله =يا صعاطير القصيد اللي توردنا الجهاله

شاعر واخطي الينا غنيت وامثل قبيله =واشرب الفنجال الاول زود والت البياله

ما احشم رابح صقر واتوق لأصحاب الفضيله= لين ابا حولي عوض دوخي وعبدالله فضاله

مرحبا يا محمد بن الذيب في ظهر الاصيله=واتعذر من بشوت القوم واصحاب الجلاله

الادب يحشم وانا صبح الادب واطراف ليله=وشاعر ماله اقامه شعر اضمه بالكفاله

ما علي من وراد الـ بي ام لو طور موديله=وش على الصفحات والمكياج في ايام البطاله

ما يقند راسي الا صوت ظيدان وزميله=لا تراكى الهاجري يحلى القصيد اليا ارتكى له

والجميح بإسمه المعروف معروف وكيله=وابن جدلان الفحل بالشعر سوى له وكاله

والقريحه تعتزي بالشعر غايه لا وسيله=والحداثه في زمان العولمه صارت عباله

يارصيف الشمس ,, يانهود البحر يا الله العقيله=بعثريني ما ادري ويش الشيح وهروج النخاله

شمعدان الفجل واقواس الخراط المستحيله=وزقزقة بنفسج الكركم وجنحان البقاله

واغنية فراشة المريخ وهروج الجديله=وقوقعة قمح الحنان وخبزة رموش النذاله

وزاوية تسعين في خدود المرايا المستطيله=والعن ابو جد خالك بنت عم البرتقاله

عالم كنها السكارى ما ادري وش هي تحكي له=لعنبوكم ذي حداثه شعر يا الناس الحثاله

لعنبو حي السفيه اللي يمزمز في سبيله=يحسب ان الشعر يرفعه لا جال مجاله

الشعر منطق وادب واسلوب والفاظ اصيله=ويش خانة شاعر يقعد على الشعار عاله

اسرق من النوم للفكره ليا جاته دخيله=فكرتي بشماغي المعروف قبعها عقاله

ليه جعل ابيه من راس السراط ليا المليله=مايدور فكرة حوله على قده وحاله

داوي فكري واغني فوق في راس الطويله=واتسيسج من جروح الجوف لو مانيب داله

ونتي من مابها الاعماق واودعها نثيله=وخربق الكبد الخرع ان به وداع مثاله[/poem]

وهنا
[TB]3zGDPw3pPGw&feature=related[/TB]