بسم الله الرحمن الرحيم

هذه القصيده كانت رساله إلى مغرور
أتمنى أن تنال إعجابكم جميعاً
وأعذرونا على التقصير


[poem="font="Simplified Arabic,5,white,bold,normal" bkcolor="transparent" bkimage="images/backgrounds/26.gif" border="double,5,silver" type=1 line=0 align=center use=ex num="0,black""]
تدري متى الإنسان يبدأ يقترف كفر النعم=لاصار عايش بالترف أو صاروا احبابه كثار
يشوف نفسه مختلف بين الخلايق والأمم=وتغره النعمه وينفض من على ريشه غبار
مايدري إن الكبر حقه زي صاعد بالقمم=تنظر له العالم صغير و ينظر العالم صغار
ياللي على وصل الأحبه دوم مقطوع النسم=ماتعرف تعوم بشرف تغرق فخيرات البحار
أما أنا مؤمن بربي ومؤمن(ن) باللي قسم=وعندي خفوق(ن) مستميت وعالصبر يملك مدار
المشكله ماهي غرور الواثق بشدة عزم=المشكله إنه غرور وما حصل يوم إنتصار
يعني هياط وبلبله من دون تحرير الجسم=اللي غدا مسلوب دايم من دمار(ن) في دمار
إن كنت شايف نفسك أكبر ليه تبعدك القدم=وإلا لهيب الحق يحرق ما بقى لك من خضار
اليوم أطلقت العنان لشفتي وراس القلم=وماصرت أخجل من بشر دام الخجل فيه إنكسار
ياخي ما أحد يرضى تهينه أو توطي له إسم=وإلا أنت ترضى أن تعيش بإسم غير ومستعار؟
ماتدري إنك مثلنا مخلوق من حد العدم=والعاقل اللي بالتواضع يجعل لنفسه شعار
لابد تعرف كيف طيبك يُرفع بعود العلم=ووشلون تفرق في حياتك عن أسد وإلا حمار
ولابد تعرف مين اشعب ومين حاتم بالكرم=ووشلون تبدا بالأساس إن كنت ناوي بالعمار
النعمه اللي فيك ياخي ما تحدك للألم=لازم تذوق المر مره وتحترم ذوق الفقار
بأقولك حاجه ولكن خايف إنك تنصدم=لأن مثلك ماتعود في حياته بالمرار
تبي الحقيقه صحبتك بالدوم عرضه للندم=نبتة عذاب(ن) والقهر هو خير خرجك بالثمار
والعزه اللي بالإثم تغويك عن طيب الشيم=إنسانك الجاهل يبيها وبإيدك يكون الخيار
أنصحك وأنزف بالنصايح وألحق النصح بحكم=ترى الغرور اللي معك يعرف بدآء الإحتضار
[/poem]


وسلامتكم