|
مداعبه من القلب
[grade="00008b Ff6347 32cd32 4b0082"] ياسنا الهجرة ويابرق سنا نظرتك تكفي وبعدك يأسنا كم سنا بالله قلي كم سنا ماسمعت الصوت ولاّ قلت ازور غايتي ومناي ياراع الاصول يالزعيم اللي تحدر من اصول والله ان القلب في ودك وصول كيف لا وانت الشعور بلا شعور قالها مغرم وفي حبك اسير لوعرفتك زين حثيت المسير والمدى بيني وبينك شي يسير والله اللي يعلم الحال وغفور يابعدهم دوم في كل اتجاه مثلكم يشرى وله قدر وجاه الله اللي مايخيب من رجاه انت رمز المعرفة والعلم نور كل شي منك له رجع وصدى لك شموخ النايفات ومقصدا بالنثر والشعر باني مرصدا ياعقيد القوم دايم لك حضور لك حضور الغانمين من الرجال الرجال اللي لهم دور ومجال الكرم والطيب فيهم له سجال الله يديمك على كل الثغور غيرتك بالدين كل به شهد ياوزين الروح ياحلى من الشهد تبذل الغالي من الوقت وجهد لين باذن الله زانت بك امور [/grade] |
رد: مداعبه من القلب
صح لسانك أخي الكريم ـ النجم الساهر,,
وبيض الله وجهك... وسنا الهجرة ( أبو عبدالله ) يستاهل كل خير.. |
رد: مداعبه من القلب
بيض الله وجهك يا النجم
يستاهل ابو عبدالله صح لسانك يا أسد والله رائع |
رد: مداعبه من القلب
صح لسانك وبيض الله وجهك ووجه الجميع ويستاهل ابو عبدالله الله يحفظه للجميع
|
رد: مداعبه من القلب
يستاهل سنا الهجرة أكثر من هذا
|
رد: مداعبه من القلب
أخوي النجم الساهر صح لسانك وجزاك الله خير على هذا الاطراء الذي أكثر مما أستحقه صراحه أحرجتني .. أول مره واحد يكتب فيني قصيده .. كيف اذا جت من انسان ما بيني وبينه أي علاقه الا عن طريق المنتدى ومن هنا يتضح لنا الدور الايجابي للمنتديات وهو معرفت مثلك وشرواك من النشاما.. أطال عمرك كل ما اتمناه ان أكون عند حسن ظنك بي والله يقدرني على ان اقوم بخدمتك وخدمت كل مرتادي هذا الصرح الشامخ وأشكرك كل الشكر واتمنى أن تكون علاقتنا أكبر واوثق من كذاااا تحياتي لك يالغالي |
رد: مداعبه من القلب
اخي المشرف العام ابا عبد الرحمن
تحية من الاعماق وبعد اشكر لكم تفضلكم بقبولي عضوا في منتداكم الموقر شاكرا لك مرورك واطرائك |
رد: مداعبه من القلب
اخي الذيب الله يوفقك والله انك ماقصرت بمرورك وخاصة الدفعة المعنوية التي منحتني اياها من خلال كلماتك الجميلة التي سطرتها تعقيبا على النص |
رد: مداعبه من القلب
اخي سيمو الجنوب اسعد الله مساك دائما هكذا انت لك حضورك في معظم نصوص المنتدى شكرا لمرورك |
رد: مداعبه من القلب
اخي ابو رامز تحيه طيبة وبعد اشكر لك مرورك واهتمامك |
| الساعة الآن 10:10 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by