|
العنود الغشمرية
[grade="00008b Ff6347 Ff4500 4b0082"] يانسانيس الغلا بكل الزوايا بلغي ذيك ( العنود الغشمرية) ياهبايب نجد وديها التحايا بلغيها بالسلام وبالتحية الهنوف اللي حلا بين الصبايا فتنة تسحر ملامحها برية جادل ماقد مشت درب الخطايا شيخة بنت الشيوخ اهل الحمية فتنة يمشي غلاها بالحنايا الله اعطاها الحلا عنده عطية خصها بالزين خلاق البرايا مابقى للزين عنهاولا بليه وش اقول وش اخلي بالخلايا حسنها من عند خلاق البرية وجهها مثل القمر حلو المزايا والخدود الها جمال وجاذبية والعيون مكحلة وحمر الشفايا واهني اللي يناظرها هنيه جيتها شوق وعروقي له ضمايا واتركت لي فوق كبدي الف كية رحت منها والوله سوى سوايا زادت احروق الخفوق اللي عليه في خيالي صورة اللقيا بقايا اتخيلها واهيجن سامرية يالهنوف الفاتنة ام الحلايا لاتجافيني بلا ذنب وخطية لاتزيدين وتعرقين الكوايا مالغيرك في حياتي قابلية فعلا انت جوهرة بين البرايا تستحقين الحياة المخملية [/grade] |
رد: العنود الغشمرية
فعلا انت جوهرة بين البرايا تستحقين الحياة المخملية روعة وتميز ايه الساهر |
رد: العنود الغشمرية
مشكور أخي الكريم النجم الساهر على هذا الاختيار وحقيقة أحببت أعرف من هو شاعرها ووجدتها منسوبة للشاعر عوض القوانة مع إختلاف في المطلع والبحر
[poem="font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]يانسانيس الغلا اللي عطّـرت كـل الزوايـا=بلغي حبـي وشوقـي للعنـود الغشمريـه معك امانه ياهبايب نجـد ودّيهـا التحايـا=بلغيهـا بالـسـلام وبلغيـهـا بالتحـيـه الهنوف اللي حلاها غير عن كـل الصبايـا=فتنـةٍ تسحـر ملامحهـا طفوليـه بـريـه جادلٍ من جابها الله ما مشت درب الخطايـا=شيخه وبنت الشيوخ اهل الوفاواهل الحميـه فتنةٍ تمشي على القـاع وغلاهـا فالحنايـا=الله اعطاها الحلا والملح من عنـده عطيـه خصّها بالزين خلّاق المـلا جـزل العطايـا=مابقـا للزيـن عنهـا لا كثيـر ولا بليـه ويش اقول وويش اخلّي فالوصوف وفالحلايا=حسنها وهبه من المعبـود خـلّاق البريـه وجهها مثل القمر فيه اجتمع حلـو المزايـا=والخـدود مـورّده فيهـا جمـال وجاذبيـه والعيون مكحله والموت في حمـر الشفايـا=واهنـي اللـي بعينـه مانظرهـا واهنيـه جيتها عمري وشوقي واجمل ايامـي هدايـا=واهدت الخفّاق جرح وجيت راجع بالهديـه رحت منها والوله والشوق سوابي سوايـا=زادت حروق الخفوق ونقّضت جرحي عليـه في خيالي باقيٍ من صـورة اللقيـا بقايـا=اتخيّلهـا واهيجـن باللحـون السامـريـه يالهنوف الفاتنـه يابنـت قـادات السرايـا=لا تجافيني دخيـل الله بـلا ذنـب وخطيـه لاتزيديـن الجـروح ولا تعرقيـن الكوايـا=مالغيـرك فـي حياتـي ياحياتـي قابليـه فعلاً انتي جوهـره مالـك شبيـهٍ فالبرايـا=بنت عز وتستحقيـن الحيـاه المخمليـه!! [/poem] والظاهر إن الغشمرية مقصد كل الشعراء فهذا يقول : [poem="font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]ياعضيدي وين جبت الغشمرية=العنود اللي يديها في لاهاتي والله أني ما تعمدت الخطية=ولابغيت العلم يتعدى شفاتي اقبلت وبعيونها عشرين نية=وكل نية تكتب اسباب الــ ..وفاتي اوصفت لي الدرب واعطتني المطية=وقمت اهيجن ناسف فوقي عباتي ارسلتني للبعد ........ وللمهمهية=واتركتني غادي(ن) بمغامراتي انتخيت الوقت وادركت القظية=ثم طلبت الرب يسهل لي ثباتي ويوم جتني واشتكت مني عليه=واشرحت لي ليه مرة في حياتي قلت أمانة ارفقي ياحلا ابنيه=والله اني ذاكرك حتى بصلاتي بالدعاء والمغفرة والمقدريه=والعفو يابنت للتايب غناتي لعنبو جد الاساءه والاسية=كانها ذنبي ومضمون احسناتي ياعضيدي لاتقول اصبر اشويه=العلم ذره والزبده نواتي وان بغيت العلم قل للاجوديه=شاعرك يابنت مجنون الصفاتي[/poem] |
رد: العنود الغشمرية
اشكرا اخي بن سلمان على تعقيبك وانا حقيقة ماكنت اعلم ان فيها هذا التشابه الذي اوردت هذه القصيده مغناه هجيني للشاعر الغنائي فهد الصميت وقد يكون حورها لكي تتناسب مع الصوت ولعلي احمل الملف ليسمع صوتيا |
رد: العنود الغشمرية
اقتباس:
إختيار ذائق أخي النجم وبإنتظار الملف إن حصل لكن لي ملاحظة لعل المنتدى المناسب هو الديوان الادبي فهو مخصص للمواضيع المنقولة من الشعر والأدب , أما واحة الشعراء فهي مخصصة فقط لإنتاج أعضاء المنتدى . سعيد بحضورك و ردودك التي مررت بها في المنتدى فهي تشعرني بأني أقرأ لمتمرس . |
رد: العنود الغشمرية
إختيار جميل يا جنتل .. الله يعطيك العافيه على النقل الجميل بودي لو أشرت على انها منقوله كانت وضعناها في موضعها الصحيح من بدري |
رد: العنود الغشمرية
اكفش معايه والله انك خطير يابن سلمان
ياخي الواحد مايمزح معكم لو مره وحده على طول اخذتوا الهرجه جد ولبستوه القضيه مشكور على النقل الجميل يالساهر |
رد: العنود الغشمرية
اقتباس:
|
رد: العنود الغشمرية
إختيار موفق
|
رد : العنود الغشمرية
اشكرا اخي بن سلمان على تعقيبك وانا حقيقة ماكنت اعلم ان فيها هذا التشابه الذي اوردت
هذه القصيده مغناه هجيني للشاعر الغنائي فهد الصميت وقد يكون حورها لكي تتناسب مع الصوت ولعلي احمل الملف ليسمع صوتيا |
| الساعة الآن 02:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by