الشعر....
 

.

.

[poem=font="Simplified Arabic,4,#000000,normal,normal" bkcolor="" bkImage="image/backgrounds/7.gif" sdImage="" border="none,4,#000000," type=0 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]


الشعر ياهل العرف ماهو سواليف=الشعر بدع ٍ فيه معنى وصوره
والشعر بايد العارفه كالمراهيف=من السيوف اللي تفص الفقوره
والشعر لاصتكت عليك المواقيف=حصان الرهان اللي يفك العسوره
والشعر مرسول القلوب المواليف=اليا صفا جو النشب جاك دوره
والشعر ميدان ٍ لكل المعاريف=كم سطرت بعض العلوم بسطوره
والشاعر اللي يقعد الراس بالكيف=كيف القصيد اللي تصافق بحوره
والضايع اللي يجيبها كالمهاديف=هديفة ٍ جاب العشى للجحوره
اللي يدربيها على غير تصريف=مثل الذي يدربي له شبيه كوره
وانا وحرف الشعر نرقى المشاريف=عسره مراقينا وفيها وعوره
بيدي على جم المعاني مغاريف=تغرف من الجم البعيد الغزوره
واللي ارتكى على الجبال المقاييف=ماضنتي نمله تحرك شعوره
ملكت عرش الشعر ماجيت تكليف=ورث ٍ لجداني وهذي مخبوره
يوم ان بعض الناس جوله ملاقيف=تعرضوا للي بعيد ٍ جذوره
لكن علم راعي النقص والهيف=لايقرب الجمره وفيها حروره
اليا قلطنا ينتظر فضلة الضيف=ويتحمد الله يوم يشبعه سوره
لان الشعر ماهو مجرد سواليف=الشعر بدع ٍ فيه معنى وصوره[/poem]

.

.

الشعر بدع ٍ فيه معنى وصورة
صدقت القول ياالنادر
تحياتي

صح لسانك

ولا عدمناك...

وانا وحرف الشعر نرقى المشاريف =عسـره مراقينـا وفيهـا وعـوره

بيدي على جم المعانـي مغاريـف =تغرف من الجم البعيـد الغـزوره

واللي ارتكى على الجبال المقاييف=ماضنتي نملـه تحـرك شعـوره

ماعليك عسر ياالنادر ولاتحرك شعورك نملة. مبدع دائما.
تحياتي.

النادر /
ماشاء الله عليك
حولنا تدندن
وحنا لك نطبل
مدري ضعف بصر والا قل بصيره
واصل ونحن سنواصل
تحياااااااااتي

[qu]الشعر ياهل العرف ماهو سواليـف .. الشعر بدع ٍ فيه معنـى وصـوره[/qu]

احسنت النادر نعم هذا هو الشعر وفي كل قصيده ترتقي بالحروف لترسم ماتريد .

تحياتي لك

حسن عابد
لاهنت ومشكور على التواصل يابو علي

تحياتي
النادر

ابا عبدالرحمن

مشرفنا الغالي صح بانك ولاهنت

النادر