|
قصة واقع في أبيات
قصة واقع في أبيات زمان أقشر وانا غنيت من فيض الكلام احلاه مـن اللـي شافتـه عيني وباح الســـد مكنونه انا مـاني بشـاعر بس نظـم الشعر دوم اهواه واخاف امن البشر تنـقد كلامـي يـوم يوحونه يقـولون الـدراهـم عــز للــرجال فـي دنيــــاه وكلــن ينــوزن باللـي معـه والربــع يطـرونه لو ان اصله حقيـر وبالحـرام العمــر قد افناه يشوفـونه عـزيز ونسيوا افعـــاله ومضمونه كبير القـدر لأجل المـــال كلن مجتهــد لرضاه وفي كل المجــالس بأطيب أوصــــاف يعدونه وذا شـافوا فقيــر الحــــال كلـن تلتــوي علباه ولا حتـى الكــلام الـــــزين في وجهــه يبدونه ولا له وزن او قيمـــــة ولا له كلمــة او جـاه وحتى اقـرب قـريب إله يعض إشفــاه بسنونه لو انه من خيــار القــــوم صبـار علـى بلـواه مقـدر والقـدر مكتـــوب وصـار الناس يشنونه ليا مـن القريب أصبـح عدو ؟؟ عزاه ثم عزاه تشوف الشين في قوله وفي وجهه وفي عيونه زرعت الزرع بيديني وعشت الوقت في رجواه وانـا كلـي أمـل بللي جميــــــــع الخلق يرجونه عسى رب (ن) طلبتـه مـــا يخيب من لجا بحماه وانا حومت بحمـى اللي جميــــع الخلق يدعونه وانا لـومي على منهــــــــو جفـا ما مـدلي يمناه وزاد القلـب بطعــــــــونن وجـدد ماضي اطعونه على جمع الـدرهم جـــــود احـزامه وحث اخطاه لعلـه ينـوزن باغلى الثمــــــن لا جــوا يوزنونه حسـايف كـيف ضاع الود والصدقه وخوف الله ولا به نـاس تعـرف للـــــوفا تحفظـه واتصونه الا ياسمـــع للقـــــول لاتنشـــــد على منـــــحاه انا قـــــــولي وكـــــاد وقـــــــولوا اللي تقولونه والا ياقلبــي اللي من همـــــومك كثر لي اشكاه تصبر فالصـــبر يالقلب فيــه امـــور مضمونه تعبـت مـن السـكوت وقلت في نظـم القصيد ادواه عسىنظم القصيـــــد يزيل بعض الهم واحـزونه وعلى بيض الورق ســـار القلـم والفكر له يبراه ومن موق العيون اصبـــــح يبين خافي اشجونه يعبر عن مـــدى حــــزنـه ويـــرد الأه عقب ألأه واقول الشعـر ريح فكــــــــري اللي جنت اجنونه ولافكـرت فـي قــــولي ولا قلـت العــــــرب تقراه ولا فكـرت ان النــــــــاس كل النظـــم يقــــرونه الا يالله ياعــــالم خفـــي النفـــــــس ومـا تعنــاه تعين العبد في حمل(ن)شكت مــن جوره امتـونه وصلـى اللـه علـى الهـادي محمـد ابـن عبـدالله عدد من حج للبيت الحرام وعداد اللي يـزورونه والسلام عليكم ورحمة الله |
العزيز شقران /
فقدناك يا جعلك ماتفقد غالي تكون بفمك تمرة والنصيب يسوقها للغير كذا طبع الزمان اقشر كذا الايام دوارة يعجزني التعليق لكلماتك الرائعة والمدح في كلماتك إنقاص لها, كل ما قلته رائع وباهر, ننتظر جديدك تحيات مغليك ... ابوهبه |
وعليكم السلام ورحمة الله وبركاته
صح لسانك أخي شقران |
شقران من طول الغيبات جاب النفايس وهذه احداها ....... نعم نفيسه اهديت من عاقل مجرب دمت بهذا العلوا اخي النادر |
[quote]
شقران من طول الغيبات جاب النفايس وهذه احداها ....... نعم نفيسه اهديت من عاقل مجرب دمت بهذا العلوا اخي |
شقران شكرا لك قلت اللي في بالي
هذا هو الشاعر قصيده تحكي الواقع المؤلم سلمت يداك s71.gif s71.gif s71.gif |
اقتباس:
بن سلمان حضورك شرف وإطرائك شهادة أعتز وأفتخر بها أكرمتني بمرورك اباهبة حفظك الرب ورعاك |
اقتباس:
صح بدنك ولا هنت ابا عبدالرحمن ولاخلا ولا عدم |
اقتباس:
النادر أكرمتني بحضورك واحتويتني برعايتك وطيب منطقك غايتي رضاك وعلوي بوجودك لاهان راسك يالنادر ومن جاء ما أبطى ولاخلا ولا عدم |
حسن عابد طاب مرورك وجدت علي بحضورك لاهان راسك ولك احترامي |
| الساعة الآن 11:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by