|
يا ملتقى السمار ياعين الظبي
[grade="00008b 8b0000 008000 4b0082"] بسم الله الرحمن الرحيم ياشمس نورك سر هذا الكوكبي منك الدفا في يوم برده حسنا ياملتقى السمار ياعين الظبي ياواحة الشعار من غيرك لنا الكل ينظر لك ولا يستغربي ملكتي قلوب البشر واقلوبنا باسباب مشرفها سنا نعم الصبي اللي رسم خطواتها ولها عنا كتابها جميعهم من يعربي اصل وفصل وعلوم تستاهل ثنا حتى البنات ام النفانف والعبي جوها وزاروها وزادوها بنا ياواحة الشعار غني واطربي دام ان زوارك تغنوا بك غنى على مناكبنا تعلي واركبي ارقي سما مادام نورك قد سنا خاوي النجوم السارية في مركبي ياللي نثرنا في مدارك شعرنا ياواحة الشعار هذا اللي نبي تبقين دايم بالقلوب وفكرنا واللي انتكس حظه ودايم يندبي سومي عنه ان كان ماجا مثلنا والشمس ون تشرق تعود تغربي والحق ون مابان من له قلنا فسر على ماكان قلي ماتبي انا فهمتك زين والله ياسنا اما تجيب العلم وهذا مطلبي والا عليك الصمت واحفظ سرنا معروفكم والله مغطي منكبي والمنتدى فيه السماحة والهنا احيان احس اني معك متغربي واحيان الاقي الصد منكم خصنا ان كان باقي في نظركم اجنبي قلي ولو خالف هوايه والمنى انت الخوي في ذا الزمان الاشهبي وانت المؤمل لاقسى الوقت وشنا وانت الذي ماعنك والله مهربي وشلون نهرب عنك وانت عزنا ياراعي الوقفات يالحر الأبي اسرج فرسك وشل سيفك والقنا وخلك معي وانا معك في واجبي ولاتضيق يالشاعر علينا من لنا وسلامتكم النجم الساهر [/grade] |
رد: يا ملتقى السمار ياعين الظبي
سالم وغانم أيها النجم الساهر
ما شاء الله تبارك الله على هذا النبع المدفق ...عسلا بيض الله وجهك...وصح لسانك |
رد: يا ملتقى السمار ياعين الظبي
اما تجيب العلم وهذا مطلبي
والا عليك الصمت واحفظ سرنا عندك ياسناالهجرة وصح لسانك يانجم المنتدى |
رد: يا ملتقى السمار ياعين الظبي
اسباب مشرفها سنا نعم الصبي اللي رسم خطواتها ولها عنا يستاهل سنا هذا الثناء وزود صح لسانك شاعرنا الكبير ماشاء الله على هاالغزارة زادك الله وبارك خطاك . |
رد: يا ملتقى السمار ياعين الظبي
فسر على ماكان قلي ماتبي انا فهمتك زين والله ياسنا ما اتوقع اما تجيب العلم وهذا مطلبي والا عليك الصمت واحفظ سرنا هو وين السر على شان أحفظه؟؟ معروفكم والله مغطي منكبي والمنتدى فيه السماحة والهنا ما سويت الا الواجب .. > احيان احس اني معك متغربي واحيان الاقي الصد منكم خصنا هذا دليل على انك منت فاهمني صح ان كان باقي في نظركم اجنبي قلي ولو خالف هوايه والمنى مابيننا اجناب ولا غرباء .. كلنا اخوان هنا انت الخوي في ذا الزمان الاشهبي وانت المؤمل لاقسى الوقت وشنا ابشر بعزك وانت الذي ماعنك والله مهربي وشلون نهرب عنك وانت عزنا الله يعز مقدارك ياراعي الوقفات يالحر الأبي اسرج فرسك وشل سيفك والقنا ما عليك زود وخلك معي وانا معك في واجبي تـــــــــــــــــــــــــــــــم ولاتضيق يالشاعر علينا من لنا لو قلت >>> وان ضقت يالشاعر علينا من لنا ... كان استقام الوزن الله لا يجيب ضيقه .. لكن لو قلت وش تبي بوضوح كان يمكن اقدر اخدمك على العموم لنا الله جميعاً .. وصح لسانك مليون ولا يكفون |
رد: يا ملتقى السمار ياعين الظبي
اما تجيب العلم وهذا مطلبي 000 والا عليك الصمت واحفظ سرنا ياهلا والله يالحليف ، وصح لسانك ، وعلا شأنك ، وابو عبدالله ماأضنُّه يخفاه معناك وكأنني أراه يُردّد (( ماكُل مايُعلم يُقال )) وقد قيل :ــ ليس الغبي بسيّد في قومه 000 لكن سيّد قومه المُّتغابي |
رد: يا ملتقى السمار ياعين الظبي
اقتباس:
يابو عادل .. لا تحاول ترقعها .. هذا الشطر بالذات يحتمل عدة وجوه !!! بس انا أعتقد ان النجم جابها بحسن نيه .. ويقصد الجانب المشرق .. |
رد: يا ملتقى السمار ياعين الظبي
اقتباس:
أنت شايف المعنى واضح يا د.مشعان ما شاء الله عليك .. النجم يبيله عمليه على شان نطلع المعنى من بطنه وانت الدكتور .. شوف شغلك |
رد: يا ملتقى السمار ياعين الظبي
اقتباس:
وانت الذي ماعنك والله مهربي 000 وشلون نهرب عنك وانت عزنا |
رد: يا ملتقى السمار ياعين الظبي
اخي المشرف العام ابي عبد الرحمن هلا وغلا فيك اسعدني مرورك وسعادتي اكبر بماسطرته من كلمات وعبارات اثلجت صدري فشكرا لك من الاعماق |
| الساعة الآن 03:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by