ماعلة التجار غير خشراها
 

[poem=font="Tahoma,2,#660000,normal,normal" bkcolor="#FFEDAA" bkImage="" sdImage="sides/10.gif" border="solid,1,#cccc00,#999999" type=2 line=0 align=center use=0 shcolor="" shgcolor="" gwcolor="" stretch="300" pwidth="500" num="1,#000000" break="breaklines/13.gif"]
بقيت ياموفي صعاب المطاليب=يااللي تقود اهل القدى في قداها
مااعدك الاسبع صلب المخاليب=ومن الرجال اللي تجمل لحاها
وش بالعرب صكّت علي الحواجيب=ياكبرها من ناس زايد غلاها
جاني خبرها عن صفوف الكتاتيب=يقلون ماغيره طبخها شواها
ومقطبين العلم ياخوي تقطيب=وسمعت هدر جمالنا مع رغاها
أعرف طريقي ماعطيت المجانيب=والغالية ماعازني مشتراها
عندي مع الأيام خبرة وتجريب=تزين يوم ويوم تنفخ رياها
واليوم يامحمد غشى راسي الشيب=وجربت من مر السنين وحلاها
لاداخلي ذلّة ولاردني هيب=واصحابنا مانبغي الارضاها
أسلوبنا من غير هذي الاساليب=آخذ وجيه العلم واترك قفاها
عندي على ماقلت وقفة وتعقيب=لاني مغطيها ولااكشف غطاها
الكلمة اللي ماتصيب المضاريب=ماني بناقلها عن اللي رواها
بعض الظنون تشعّب العلم تشعيب=ماعلّة التجار غير خشراها
فتّش لها في الجيب لاتترك الجيب=والا الثياب اللي بعد في طواها
ماجايكم لابس كفوف وشراريب=ماله شطون ولارعية رعاها
دور وتلقى غيرها في المزاهيب=هذي ترى ماجيتكم في حراها
وان كان شفنا من يدير اللواليب=ترى ذياب البرّ تعرف خلاها[/poem]

ابا عادل /
صح لسانك
ما عليك من اللي يقولون
ولا تكون وانا بن عمك مثل اللي يحسس على راسه
اسعدني تواجدك

صح لسانك
عندي تعقيب ودي أقوله وخائف إن الناس تفهمني خطأ
تحياتي

بن سلمان :
صح بدنك
حسحسة مافيه حسحسة بس انت فهمت كذه
الدفاع عن النفس حق مشروع ومتاح للجميع ويجب أن توضع الأمور في اطارها الصحيح.
أسعدني مرورك.

المشتاق:
طالما أنك على متصفحي فان تعقيبك محل الإهتمام اذاكان منطقيا ومفهوما من قبلي أما غيري من الناس فالله أعلم.. هل اتضحت الفكرة؟
صح بدنك وشكرا لمرورك.

ابا عادل وكانك ترمي الى

ترى ذياب البر تعرف عشاها

لكنك كنت اجمل والطف من استخدامها .....

يروق لي هذا السمو ياصاحب المقاله


النادر

اعرف طريقي ما عطيت المجانيب.
صادق يابو عادل

النادر:
لاتروح بعيد أنا لااعني الا ماأقول
مشكور لمرورك ولطيب المشاعر.

حسن عابد:
أحسنت والله يجزيك خير ويجعلنا جميعا من الصادقين.

رد : ماعلة التجار غير خشراها
 

صح لسانك