![]() |
دار لبو عادل عريب المناسيب
[poem=font="Tahoma,4,FF0000,bold,normal" bkcolor="#FFEDAA" bkImage="" sdImage="sides/10.gif" border="solid,3,FFCCFF,FFFFCC" type=2 line=0 align=center use=0 shcolor="" shgcolor="" gwcolor="" stretch="300" pwidth="500" num="1,#000000" break="breaklines/13.gif"]
يابو هبه هيا تجهز على الجيب = واصل الرجال اللي يشرف لقاها منصاك دار فالسنين الشلاهيب = تقري الضيوف ولا تحسب قراها دار تعلوها رجال رعابيب = جعل الردي واهل الردي من فداها دار لبو عادل عريب المناسيب = عزز بناها بالجمايل كساها وليا وصلت الدار يبدي لك شبيب = نفسه من بيوت المعرفه سقاها ياخذ ويعطي مايخاف العواقيب = لجل ان رجله فالخطى ماثناها من بعدها طف وتوحى التراحيب = اللي تسلي خاطر اللي وحاها واقلط على الدله ومن غالي الطيب = معمور دار ماخسر من قضاها وبعد العشا يدني لك ام الأعاصيب = اللي سمنها ماقصر عن عشاها خذ ماقسم لك في ذرى شمخ النيب = وابد العلوم اللي معك مبتداها وان كان ابو عادل فنفسه حثاريب = بشره بعلوم الوفى اللي يباها قله محمد عدكم فالمكاسيب = والهرجه اللي قلتها ماعناها وان كان صوب واختلف فالتصاويب = نفس ابن داخل السموحه مناها تراه رجل مايحب التخاريب = ولاعادة الأجواد رمي قطراها وان كان وصلك من بعيد الغياهيب = بعض الهروج اللي حشا ماحكاها لا تسمع هروج الحكي والتعاجيب = لافادت البايع ولا اللي قناها وختامها مني لكم سمن وحليب = بالطيب نبداها وبه منتهاها[/poem] |
صح لسانك يا ابن داخل عداك العيب راع الوافيه جعل ابوك للجنة وامك للجنه
|
صح لسانك راعي الوفاء والطيب
يقلون شيء يترقع وشيء ما يترقع |
صاحب وفاء يا بن داخل ، وفيت وكفيت ،
|
البارح ما كنت فاهم هرجة الجيب لكن القصيدة اعطتنا العلم .
الله يقويكم. اشهد انك ياحليفي ما تحب التخاريب |
اللهم اجعل والدي وواليك
اللهم اجعل والدي وواليك ووالدي كل من قرأ هذه الصطور في الجنة وجمعنا وإيك في مستقر رحمته ياأبا مهند
يابعد حيي |
يالمشتاق
أحنا محصلينها منك والا من المنسم يامشتاق
ماش شي مشقوق حتى نرقعه العلوم كلها طيبة |
الوفى منك سابق
يابن عزاب بيض الله وجهك ووجيه الرجال اللي كماك مايجي منهم الا كل هرجة وافية
|
تسلم ياحليفي
علوم الجيب وصلتك ياحليفي
والباقية فالطريق علوم تبيض الوجه وابشرك علوم منتدانا كلها غانمة مع شرواك من الرياجيل |
الساعة الآن 09:10 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by