إلى الإرهابي
 

[poem=font="Simplified Arabic,4,#000000,normal,normal" bkcolor="" bkImage="image/backgrounds/1.gif" sdImage="" border="none,4,#000000," type=0 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]
وراك تعصى الله وماقاله أحمد=وراك تعصى الفهد وتضر أهلك
تقتل هلَكْ بأرضك وتهدم بناء المهد=على الخطا المكروه من كان حدك
هذا ثراك اللي سكنته ثرى فهد=أعطاه ربي بين جدي وجدك
كنك تنافي واهب الملك الأوحد=فيما وهب من مُلْك يا قصر عرفك
الدين واضح يافتى ان كان تشهد=إن الإله الله وأحمد نبيك
إن كان وشوش فكرك الغير والحد=إسأل هل الذكر ان قصر يوم علمك
وش ذنب هاك الطفل نايم على الوسد=يرضع حليب امه وآمن ولا انفك
تفجعه ويا امه على غير ما وعد=تهدم عليهم بيتهم دون بيتك
والشايب اللي وش بقى له من الجهد=تكسر عصاه وتقتله ويش صابك
ترضى بليل أرهبك انا واجرح الكبد ؟=واهدم على أهلك بيتهم مثل فعلك
هدف خطا من فكر خاطي تولّد=واشنع خطا التنفيذ ياهيه وافتك
شوف كم خطا كوّمت أرى ملها حد=شوّهت منها الدين من كثر جهلك
في وقت الأمه وضعها موضع الرّد=على العدو والا أنت فاشل بردّك[/poem]

صح لسانك على القصيدة

صح لسانك
ومشكور على غيرتك على الوطن وأهله.

الله الله

صح لسانك

وعساك سالم

عسى الله مايحرمني منكم والله يسعد لي هاالوجيه الطيبه واللحى الغانمه