(لعبة البس والفار)
 

[poem="font="Simplified Arabic,5,darkblue,bold,normal" bkcolor="transparent" bkimage="" border="double,4,skyblue" type=2 line=0 align=center use=ex num="0,black""]وراك ياسوق الهوامير تنهار=تنهار وانا مابعد صرت هامور
امن اول ابغى منك ياسوق مليار=واليوم عطني راس مالي ومشكور
بيتين (عايض) قالها والزمن جار=وانا بعد زودتها عدة اسطور
مادمت انا فالشعر فارس ومغوار=لابد يا (عايض) بيوتك ترى النور
واقول .. للي دق للسوق مسمار=ما تدري انك عبد والعبد مأمور
ألناس تدعي ربها سر واجهار=يامن بمال الناس يعبث ومسرور
إن كنت ناسي دور قصاف الاعمار=أو طالت ايامك ... ترى القبر محفور
لا تحسب الدنيا لسكانها دار=لو عشتها جنات وانهار وقصور
فيما سلف لك موعظة وانتم احرار=شوف الخبر في صفحة الدهر منشور
خذ لك مثل فاللي حكم خلف الاسوار=ماظن خلا بين الامصار دكتور
يبغى حياة الخلد .! لكن ماصار=بالعكس .. مات من الدوا شبه مخمور.!
أما انت يامن عشتها سوبر استار.!=مليون غيرك يحلم ايعيش مستور
ويلي عليها (لعبة البس والفار)=تروح ملح ان كان ما تتقن الدور
البس ملعون الثوى ولع النار=والفار الاحول ينشد العمي والعور
حتى ابتدوا في اللعب. مفساح مقطار=لعبه قديمه ... لكن اللعب محكور
البس جمهوره كما الجيش جرار=والفار يامسكين من دون جمهور
اللي يقله (كش) لا تقرب الحار=واللي يقول اقدم وقدامك الحور
ياهم سروبه ليل .! والليل غدار=من دون شك الفار مغدور مغدور
المشكله ان الفار بعد انهزم ثار=طيب وليش تثور -من لعب- ياثور
حلوه الحكايه.! بس من دون تكرار=أبختصرها ... والذكي يفهم الشور
زهابنا مربوط في شعفة حمار=اليا نهق مجرور وان طاح مسبور
هذا وانا مهما تلمست الاعذار=ما شفت ياسوق الخنا فيك معذور
كل(ن) على همه سرى ياهل الكار=ومحد(ن) على ما قالوا الناس مجبور
وصلاة ربي عد ما زار زوار=على النبي المصطفى كامل النور[/poem]

رد: (لعبة البس والفار)
 

صح لسااااااااااااااااااااااااااااااانك

يا سيد الكلمه

على قولك في ان عايض جاب البيتين وانت أضفت عليها
فيه ناس من المتفلسفين يقولون هذي سرقه شعريه لأنه صار لي موقف من هذا النوع سمعت بيت وأعجبني كمطلع وأكملت عليه قصيده وأتهمني صاحب البيت بالسرقه وزعل

مع انه في الادب عامه إذا أُخذ البيت من شخص وتغيرت الفكره فهو بالعكس يعتبر بيت جديد
ولا يعتبر سرقه لأن المفردات ليست ملك أي شخص.
وهذا مايقال في النقد.
هذا الموضوع مجرد كسر لأي كلام خاطئ يدور في النفوس.
لك كل تقديري
صح لسانك

رد: (لعبة البس والفار)
 

صح لسانك يا شاعرنا..

الجمال والإبداع والتميز ما هي غريبة ..على مبدع مثلك..

والحمد لله على سلامة النفس وراحة البال..والفلوس ماهي كل شيء..تروح وتجي..

رد: (لعبة البس والفار)
 

الاخذ من قول الآخرين على حد علمي يسمى اقتباس

رد: (لعبة البس والفار)
 

سنا الهجرة
كعادتك ملك الابداع
تقبل إعجابي بهذه الرائعة

رد: (لعبة البس والفار)
 

رد: (لعبة البس والفار)
 

صح لسانك
زمان وجبر , عبو المحافظ وارقدوا
اليوم يوم جيري

رد: (لعبة البس والفار)
 

رد: (لعبة البس والفار)
 

رد: (لعبة البس والفار)