منتديات بلاد ثمالة - شُعّار اليوم

[poem=font="MS Dialog,4,#000000,bold,normal" bkcolor="" bkImage="" sdImage="" border="none,4,#000000," type=0 line=0 align=center use=0 shcolor="" shgcolor="" gwcolor="" stretch="0" pwidth="0" num="0,0" break=""]
إقلب حجر والا اتركه يالسنافي=تحت الحجر شاعر و باعلاه شاعر
حتى البحر يالله لك الحمد ضافي=يزخر بقامات الشِعر والمشاعر
والجو راح أسراب باهل القوافي=رفوا جناح الشعر والكل طاير
إحذر تكعبل لا قطعت الفيافي=واحذر تغوص تروح في بطن عامر
واحذر يصيبك قاف من جو لافي=لعلع به المطيور من فكر عاثر
يامفلتين الطرف تحت الكوافي=ومهكبين الصوت وسط الحناجر
ومصفصفين الشُمغ والراس حافي=ومزينين الوجه بأرقى المناظر
أنتم على الشهره تروكم لهافي=وانتم على جمع الدراهم اكاسر
حتى على الشاشه حضرتوا زلافي=يدفع بكم شيهان عقب الكناور
وسفّط بكم شيكين يالله العوافي=وسط المجله واختها الكل خابر
إمسك وانا اقطع لك رقاب الخرافي=وإنحر وانا أعقل لك يدين الأباعر
فوق الغلاف فلان جايك ودافي=وفلان بغلاف المجله من آخر
أخفوا بالإعلام الرجال النوافي=أهل الفكر والقاف وهل السواير
وابدوا لنا غث الشعر والسوافي=ربوا عليه المستمع في المنابر
إن كان لك ياالمستمع عقل صافي=واحساس بالكلمه أبنصحك ناصر
ترى الشعر واهله مع الوقت خافي=إبحث عنه تلقاه في يوم حاضر[/poem]