منتديات بلاد ثمالة - مواساااااااااااااااااة

مواساة لوفاة العير
للشاعر بن مريبيط

[POEM="font="Simplified Arabic,5,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
عز الله إن الحزن خيّم على الساحة=لبست ثياب الحداد وضاق خاطرهـا
معاد هي من ظروف الوقت مرتاحة=من بعد عبدالله بن عبيد شاعرهـا
من عقب ماهي بشوش وبنت مزّاحة=اليوم حدّت وصدّت عـن مظاهرهـا
تبكي على تاج راس الشعر ووشاحه=الشاعر اللي بيوت الشعر ساخرهـا
وتهل عبراتهـا بدمـوع فضّاحـة=من يوم جتها الحقايق من مصادرها
وتقول معـاد أنـا ويـاك يالراحـة=لو الجنايـز تبعثـر مـن مقابرهـا
ماعاد لدموعـي الثنتيـن مسّاحـة=ياشين عيني إلـى هلـت عبايرهـا
من عقب شاعر مطير أروح نزّاحة=وابعد عن اللي بيوت الشعر يكسرها
الشاعر اللي فتـح قفلـه بمفتاحـه=ماهو بخبلٍ علـى راسـه يثورهـا
والي نخيته سوات البيت وسناحـه=كم روس قوم عن الميدان صدرهـا
اللي رفعني على راسه عن الطاحـة=يوم إني أبحث عن الفزعة وادورها
كم مـرة قـال خلوهـا بمسباحـه=بين الجماهيـر والفنـي يصورهـا
بيوت شعر سوات الـورد فوّاحـه=بالفتل والنقـض وشعـورٍ يعبرهـا
علاقتي فيه مثـل الطيـر وجناحـه=اللي إلى كبـرت همومـه يطيّرهـا
وعلاقتي فيه مثل البنـك وارباحـه=اللـي كبـار الزبايـن مايخسرهـا
واليوم فيه العزاء وابيح من باحـه=بعض المصايب يهول العين منظرها
لو كان مذبوح لاقطع راس ذبّاحـه=وافزّع مطيـر غايبهـا وحاضرهـا
سمعتها ثـم قلبـي زادت جراحـه=وعزيتها والعزاء يجرح مشاعرهـا
وعزيت نفسي وهم القلب يجتاحـه=كن السكاكين في كبـدي خناجرهـا
واعزي ابوه واخوانه ومـن ناحـه=واعزي عبيـد والثنتيـن خابرهـا
واعزي مطير في موته ومرواحـه=واقول يالله على الفرقـا تصبرهـا
اعمها من تبوك الـى وراء الباحـة=والغرب والشرق وديـارٍ مجاورهـا
وقلت البقا في زناد الشعر وسلاحـه=شعارنـا والحقيـقـة مانغيـرهـا
يبا يردون عيـد الشعـر وافراحـه=لين بنت الهـوى تلبـس بناجرهـا
والى مدحتيه غيرك نـاس مدّاحـه=من عزوة في الوغى حمرٍ نواظرها
عساه في جنة خضراء كما الواحـة=مبسوط وذنوبـه الخالـق يكفرهـا
والناس مع غفلـة الايـام سبّاحـة=وفي نزعة الروح ربي مايشاورهـا
وسود الليالي حصاة ارزاح وارزاحة=الى انكسر نابهـا تاكـل بظافرهـا
[/POEM]