[POEM="type=2 color=#000099 font="bold medium 'Traditional Arabic', Arial, Helvetica, sans-serif""]يالشفا لا هب نسناس الهوى من كل صوب=وأنتثر عطر الورود بجوك الغايم وفاح
تعصف بصدري عواصف اشعرتني بالذنوب=وآخر ذنوبي مكان(ن) فيه تخمير الجراح
بالزمن يا أهل الشفا ياغالب(ن) وإلا امغلوب=وأشهد أني ما غلبت ولكن أهديكم سماح
وش عليه لو غلبتوا دام بالقلب محبوب=المدن تكرم لعين(ن) من عوينات الملاح
شوفي جبال الشفا وحصونها وكل الدروب=لك بقلبي مثلها في جيتك وإلا مراح
شرقي وغربي وشمالي ثم يتلوها جنوب=حيث ماصرتي بوجهه بوصلة قلبي تزاح
قبلة الأشواق أنتي يالشروق و يالغروب=شمسنا وانتي قمرنا يا مسانا يا صباح
كان وجه الحب فينا مبتسم دايم رحوب=كان يلبس في لقانا من أمانينا وشاح
فجأه الحب أقشعر وصار في وجهه شحوب=من جروحك أستحى وادبر عن عيونك وراح
أيه ولى عن عيونك صار بالصدر الرحوب=وفي فؤادي أستمر بوحدته ليل النواح
كل ليله من صدودك قلبي بصدري يذوب=أنصهر قلبي بصد وكل ما أثلجتيه ساح
حقي أعرف بإيش مخطي فهميني بالعيوب=وحقك انتي تشرحين اسباب توجيه السلاح
مو كذا ترحال يالله دون تبرير وسبوب=أو تجاهل للمنادي يوم صوت لك وصاح
يالشفا لا هب نسناس الهوى من كل صوب=من ظلوعي بكل هبّه ظلع يومي لك وطاح
يالشفا آخر ذنوبي مو مثل كل الذنوب=آخر ذنوبي فؤاد(ن) فيك طيرته وراح[/POEM]

وسلامتكم

أبشر بعزك يالذيب .. هذي مشكلك التنسيق الجديد .. لكن وش نسوي المدير يقول لا احد يكلمني في التنسيق الا بقصيده .. وانا ماعندي قصيده الحين

بيض الله وجهك أخي الذيب

وأعذرنا على التأخير ..ولا أدري ما السبب إلا قصور منا..

لا عدمناك..ولا عدمنا قصائدك..