عجل عليه
 

[POEM="type=1 bkcolor=#0099FF color=#66FF66 font="normal medium Tahoma, Verdana, Arial, Helvetica, sans-serif""]عجل عليه ياشحيح التحيات=النار ماتت والبقايا رمدها
صابر على المقسوم يابو الرديات=هذي الحشاشه ميته في لحدها
القلب ياللي هاجر القلب مامات=مير الحثاوي مربضه من جهدها
والعين ياللي مسهرنّي ولا بات=جفني ترفق لاتزود سهدها
سم وجرعته مابقالي خيارات=الحبل راخي والمولي عقدها
ياليل لاتحزن قطعنا مسافات=ماباقي الى ليل واثني عددها
ياهي طويله ليلتي فالمتاهات=وياهي قصيره ليلت اللي رقدها
ماني على خبرك وانا ضامي الذات=الشيب عرش فالعضام وهددها
لاني مع الاحيا ولاني فالاموات=ولاني شديد واحمي اللي بعدها
عجل عليه ياشحيح التحيات= النار ماتت والبقايا رمدها[/POEM]

رد: عجل عليه
 

صح لسانك يا حسن

رد: عجل عليه
 

رد: عجل عليه
 

صح لسانك يا بن حااااااااااااااااااااااااااااااااااااااااااااااااا مد حمييييييييييييييييييييييييييييد وبيض الله وجهك
طالع لأبوك ماشاء الله وقلبك خضر

رد: عجل عليه
 

صـــــــــــــح لسااااااااااااااانك

رد : رد: عجل عليه
 

تسلم يالغالي ومبروك عليك الشهر

رد : رد: عجل عليه
 

صح بدنك يابو عبيده ومبروك عليك الشهر

رد : رد: عجل عليه
 

افا ياوليد المفروض انك اول من يرد لاكن يالله
مبروك عليك الشهر وانتبه لاتفطر
ههههههههههههه
مشكور ياولد خالي

رد : رد: عجل عليه
 

صح بدنك
ومبروك عليكي الشهر

رد: عجل عليه