عمر شمعة
 

[poem="type=1 title="عمر شمعة" font="bold medium Tahoma, Verdana, Arial, Helvetica, sans-serif""]على اطلال الشباب وذكرياته والصبا غنيت=بعد خمسة عقود من العمر ولّت بلارجعة
تباطيت الليالي واثري اللي عبرها ماابطيت =وصلت لقمّة الخمس العقود بقمّة السرعة
وقفت انظر واعدّ اللي جرى في سكّتي وازريت=ألمّ بكل مامريت به والزود في جمعه
وتمنّيت اني ارجع واحسب الخطوة ليا سجّيت=واركّز بالنظر والسمع قبل ابحث عن السّمعة
وتمنّيت اكشف الصفحات وش قدّمت وش سوّيت= ولوالفزعات تنفع جيت باللي يحرز الفزعة
بعد رحلة طويلة والفكر مابين حيّ وميت=عرفت اني من الماضي القديم وعضو من ربعه
وعرفت اني مخاوي عهد واحد لامضى ولّيت= مداه بعمر شمعة يوم يمضي تطفي الشمعة
ووقفت احسب واراجع فالقصيدة كم مضى من بيت=لقيت اللي سلف منها يساوي بالعدد سبعة
لكنّي قلت الا ياليت عمر الآدمي ياليت =يحوّر مثل تحوير الشعر واكثر قبل طبعه
لقيت الشعر يتفوّق ويتجدّد بكيت وكيت= من اغراض ومعاني مفردة واحيان مجتمعة
لكن العمر له معنى فريد الخوف كان اخطيت= وفهمته فهم قاصر تاليته الحزن والدمعة
وصحيت من العسام اللي غشاني يوم رحت وجيت=وبديت أعدّ كم ساعة مابين السبت والجمعة
توالى كل يوم ان كان ماملّت فانا ملّيت=أكرر ماضي ايامي لمستقبل بلاطمعة
أنا وش باقي اتحرّى وانا ياكم نهار افنيت=وثوب ابليت حتى ملّ راسي واشهر اللمعة
أناملّيت ملبوس الهوى علّه لجمر وزيت =كماماملّ راسي من لباسه واعلن الصلعة[/poem]

رد: عمر شمعة
 

دام لك العمر المديد والفكر السديد_إنشاء الله _أبا عادل

وفقك الله قصيدة جميلة ومعاني راقية وعبر لمن يعتبر

رد: عمر شمعة
 

صح لسانك ودام للمنتديات عطاءك
الله يحسن لنا ولك الخاتمة فالاعمال بالخواتيم

رد: عمر شمعة
 

رد: عمر شمعة
 

رد: عمر شمعة
 

رد: عمر شمعة
 

رد: عمر شمعة
 

رد: عمر شمعة
 

ماشاء الله تبارك الله .. والله يا ابوعادل انك بحق فخر لنا جميعا .. فانت شاعر تفتح لك افاق في شعرك ..

رد: عمر شمعة
 

لله درررررررررررررّك,,
يااا ااا مبدع...