[POEM="type=1 bkcolor=#FFFFFF color=#003300 font="bold medium 'Simplified Arabic', Arial, Helvetica, sans-serif""]صافحي يانجد تلعات الحجاز=خبريها عن لياليك العذية

علميها بكل فخر واعتزاز=عن مرابع صاحب مافي سمية
لاكفخ صقر تعلى كل باز=ون تعلى مانزل بارض وطية
مايهد الاتعدى ثم فاز=ولا يمد الابكف له ندية
صاحبي زملوق في كل المغازي=دايم الاول وقيدوم السرية
تسعد بطلة خوي كل جازي=وتفرح بشوفه عيون له شفيه
صاحبي كل شي عنه باحتراز=مجلسه مبني ومداته هنية
ون وقف ماباقف الا في عزاز=يسبقه جوده وريح الشاذلية
ون مشى يمشي على خط امتوازي=خط مايبعده عن خطة خوبه
والله انه يستحق الامتياز =دام يفهمني ومعروفه عليه
قدموا للمنتدى كل التعازي=دام راحت بين جاهات وحمية
ناس بعجبها ليا شبت بقاز=همها دايم تسير النار حية
وناس فوق القاز غذتها بغاز=وناس تطفيها بصدق وطيب نية
والله ان المنتدى لو كان نازي=مانعود للعصور الجاهلية
امر واجب وامر يكفيه الجواز=مايعذر صاحبي غير المنية[/POEM]

بيض الله وجهك يا شاعرنا النجم الساهر

لا فض الله فاك .. ولا حرمنا قصائدك

كتبت فأجدت...ونصحت فصدقت..

قدموا للمنتدى كل التعازي
دام راحت بين جاهات وحمية

ناس بعجبها ليا شبت بقاز
همها دايم تسير النار حيه

وناس فوق القاز غذتها بغاز
وناس تطفيها بصدق وطيب نية

والله ان المنتدى لو كان نازي
مانعود للعصور الجاهلية

امر واجب وامر يكفيه الجواز
مايعذر صاحبي غير المنية


صح لسانك يا نجمنا المضيئ
مبدع وهذي عوايدك

اسعدني مرورك العذب ايها الشاعر الكبير حسن عابد

تقبل تحياتي

المشرف العام

اخي ابا عبد الرحمن

لاحرمنا الله وجودك ومتابعتك الصادقة ولمساتك الحانية وكلماتك الاسرة

صح بدنك يالغالي

لاعدمناك