|
من يعرفها ؟.
3 مرفق
بسم الله الرحمن الرحيم
عميد منتدى الحياه الفطريه , وأعضاء منتدى الحياه الفطريه , وقراء منتدى الحياه الفطريه السلام عليكم ورحمة الله وبركاته , والله يسعد كل أوقاتكم , ويكفيكم شر البرد وشر أنفلونزا الخنازير , وشر عيال الحرام وبنات الحرام , أما ما قبل : غبت عنكم فترة كم يوم كنت أبحث فيها عن بعض حلفايه المتغيبين , وعلى راسهم ابو سيفين وابن همام وهلال ابو ليله , ولقيتهم يتخسلفون في جبل الدخان ويتخشخشون من مغاره في الثانيه , وزعموا أنهم ما وداهم لهاك الديار ألا يبون يصورون الدخان , ووعدوني بمفاجآت مدويه يجيبونها معهم للمنتدى , والله أعلم . أما أبو نقشه فهو جايب لكم سعالين عن شجيرتين كتبتوا عنها في سالف العصر والأوان , ويبغيكم تعرفونها لنا . السعال ألأول سهل , وحاطه للأعضاء اللي ماهم من أعضاء منتدى الحياه الفطريه , أبغيهم يعرفون لنا أسم الشجيريه اللي ماليه الركيب في الصور أدناه ؟؟. ملف مرفق 1557 والسعال الثاني صعب شويه , وموجه لأعضاء منتدى الحياه الفطريه , وابغيهم فيه يسمون لنا الشجيريه (التوأم الصغار لأنها أذا كبرت تهم بطول المودماني)اللي في الصور أدناه ؟؟: ملف مرفق 1558 ملف مرفق 1559 |
رد: من يعرفها ؟.
3 مرفق
|
رد: من يعرفها ؟.
2 مرفق
|
رد: من يعرفها ؟.
الله يصبّحك بالخير ياطويل العمر
ماعندي إجابه ، لكن حبّيت أسلّم وأعلن عن تخوّفي أن المخاوي دسّ لكم بذور هذه الشّجره في كيس الشّعير إيّاه لحاجة في نفسه 00000000دمت سالماً0 |
رد: من يعرفها ؟.
تصدق تذكر غرسة الباميه يوم كنت اقضي يومي في الزراعة اجمع فيها اليوم كبرت والذاكرة ضعفت ولا افرق بين البامية والشعير |
رد: من يعرفها ؟.
النتايج الى هالحين للصوره ألأولى :
حليفي الكبير الشيخ ابو سيفين يقول أنها دنقه ... مشكور يا حليفي , والنتايج رايحه تعلن متأخره , لكن بما أنك من أعضاء منتدى الحياه الفطريه المفروض تجاوب على السؤال ألثاني الصعب , وتترك ألأول لأخواننا اللي ماهم أعضاء منتظمين مع أهل الفطريات ... أخويه صقر قريش , يقول أن اللي في الصوره ألأولى باميه ... مشكور يا صقر على ألأطلاع والأجابه , والنتايج رايحه تعلن بعد نسمع أجابة بقية ألأخوان , أكرر شكري لك ..... |
رد: من يعرفها ؟.
الشيخ منقاش , عليك السلام ,
هل هذا الإمتحان اللي أمتحنتنا به تخلفه جائزه كفعالك فيما سبق, أم علم ومعرفه بس !!وهذا لا يليق بمقام الشيوخ أمثالك .. أرى أن تقوم بتكليف أحد الحلفاء السمان والذين لا يتضررون من ارتخاء القرش , بإحضار الجائزه حتى يجاوب حليفك المقداد ابن الأسود .ونقتسم كما فعلنا من ثلاثة اشهر تمنع الحبوب والبقوليات في الجائزة . وشكراً المقداد |
رد: من يعرفها ؟.
أنا أحاول ان اجاوب على السؤال الثاني
واتوقع من نفس فصيلة ذيل الثعلب اقصد ذنب الثعلب. ولقد سمعت من احد الخبراء ربما تكون هذه النبته اسمها ـ ذيل البس ـ او خص## البس.جزء من النص مفقود |
رد: من يعرفها ؟.
حليفي العمده المقداد بن ألأسود أجاد التهرب , وتذرع بطلب تخصيص جوايز للفايزين قبل ألأجابه على المسعله , مشكور يا حليفي , وأنتم ياللي بعده بلاشي فركان , خلاص , فاز بها (الفركان) المقداد .
لكن أستجابه لطلبك يا عمدتنا كلفنا عضو المنتدى دنيا كفانا الله شرها ومعه الشيخ مناحي بتحمل تكاليف الجايزه , وتبقى مفاجأه منهم , ولا تعلن ألا بعد أعلان النتيجه ... حليفي المشرف الفني يقول أن السعال الثاني جوابه ذنب أو بلاوي بس , شكرا يا حليفي على بلاويك , وفالك البيرق , ومعه شوية بلاوي بساس .... |
رد: من يعرفها ؟.
يخواني يبدو أن السعال الثاني صعب حتى على السايل , لأني كنت أظنها لشجره كتبتم عنها , وبعد مراجعة الصور ترجح عندي خطايه.
أجلوا ألأجابه عليه حتى أقف على الطبيعه مره ثانيه . وبعدين , رجائي منكم , أذا الواحد منكم سأل سؤال يكون متأكد من أجابته , ويركد , ويبطل العجله حتى لايتعبنا السايل في البحث وأذا رجعنا في النهايه له ما نلقى عنده جواب . وتعذبلوا من الشيطان , وأنا متأسف لهذا الخلل الفني اللي رايح ابو نقشه يرقعه بمشيئة الله. هدانا الله وأياكم الى سواء السبيل , وكفانا الله وأياكم شر عيال الحرام وبنات الحرام .... |
| الساعة الآن 11:58 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by