|
أني ابو نقشه من صدق ماهو كذب؟؟؟؟ .
مفكرة الإسلام: سجلت محافظة الطائف السعودية رقمًا خياليًا مقابل شراء خروف من سلالة نادرة في قرية تابعة لمكة المكرمة باعه صاحبه بعد اقتناعه بما وصل إليه من سعر في المزاد والذي جاوز ال100 ألف ريال سعودي . وطالب البائع المشترى بالمحافظ على الخروف كونه من سلالة نادرة، وفقًا لما ذكرته صحيفة عكاظ. وقال المشترى إنه يهوى اقتناء الأشياء الثمينة والنادرة وحتى الأثرية سواء كانت حيوانًا أم جمادًا . وقال المشتري إنه ظل طيلة شهور مضت يبحث عن هذا النوع من الخراف ليكمل رغبته في عملية التزاوج مع نعجة نادرة اشتراها قبل أشهر... والسعال يا ربعي , دية المودماني هي كم هالأيام ؟؟؟. |
رد: أني ابو نقشه من صدق ماهو كذب؟؟؟؟ .
المصيبة فيه طليان من الاوادم لكن ما يصلون سعر الطلي هذا |
رد: أني ابو نقشه من صدق ماهو كذب؟؟؟؟ .
ياكثر الطليان ,,, لاكن وش الفرق غير ان هذا شحمة زايد وهذا لحمته زينه نسل هذا الطلي جاب له قيمه سبحان الله اشكرك يابو نقشه على هالمعلومه دمتـ |
رد: أني ابو نقشه من صدق ماهو كذب؟؟؟؟ .
اقتباس:
عفو ا ماتفهم في الطليان ونوعيتها |
رد: أني ابو نقشه من صدق ماهو كذب؟؟؟؟ .
اقتباس:
الطليان مافهتناا تبيني افهمهاااا بس علمني خلنا نعرف وش انواع الطليان ماجيت هنا الا للمعرفه خلنا نخشوشن شويه |
رد: أني ابو نقشه من صدق ماهو كذب؟؟؟؟ .
انا مدري ليه مستغربين القيمه طيب والملايين الي تروح في المزايين ماهي غريبه وحاسدين طلي على هذي القيمه وين روح المنافسه بين الانعام الله ينعم علينا وعليكم بكم طلي من النوعيه هذي نشتريبه بيت والا اقلها ارض . مدري ليه اشم ريحة رويعي الغنم ورى الموضوع ياخوفي يكون هو صاحب الطلي . |
رد: أني ابو نقشه من صدق ماهو كذب؟؟؟؟ .
أحواني , ابو تركي , ما ندم من سكت , صقر قريش , ابو نايف :
ألأوله , أشكركم على خرامطكم , والله يحيكم تخرمطوا على راحتكم , والمفروض تفرحون وتفاخرون أن طليان الطايف وصلت لهالثمن . الثانيه , لي جار هذلي , أبوه يقتني نوع من التيوس بعض زباينها يجونه من الخليج , والأثمان , يا دافع البلا . يعني طليكم هذا , ولا يساوي شي مع تيوس أبو جاري .... الثالثه , سعلت صاحب لي له علاقات بشريطية الغنم اللي يم حراج الطيور عن مسعلة الطلي الطايفي اللي خطف الأضواء ووصلت قيمته لدية الرجال , لأني نويت أضحي به في سبيل الله بعيد الأضحى وأوزع لحمه على الضعفاء والمساكين يتمصمصونه . ورد عليه وقال : يبو نقشه هذا الطلي , غلاه ماهو في شحمه ولا لحمه ولا طوله ولا عرضه , الطلي غلاه في بوله , والسبب أن بوله فيه زيبق أحمر مثل الزيبق اللي سبب غلا مكاين سنجر قبل فتره , ويقول أن القبايل اللي تقاتل في الحوثيين هالأيام , تبي زيبق الطلي تزنبق به سلاح نووي تخلص به من الحوثين . شفتم , لوين وصلت تجارة الأسلحه , وشؤون الدفاع ؟؟؟... |
رد: أني ابو نقشه من صدق ماهو كذب؟؟؟؟ .
ماندم من سكت |
رد: أني ابو نقشه من صدق ماهو كذب؟؟؟؟ .
يا ابو نقشة والله جابها ابو نايف ان ماكان رويعي الغنم ورى الطلي هذا والزيبق هذا مكيدة تبي تعاونه فيها والا من متى الطلي يبول زيبق |
رد: أني ابو نقشه من صدق ماهو كذب؟؟؟؟ .
هذا نسله مختلف عن الاول يبول زئبق وش نوع ذا الطلي ؟؟؟... |
| الساعة الآن 03:27 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by