[POEM="type=1 bkcolor=#000000 color=#FFFFFF font="bold medium 'Simplified Arabic', Arial, Helvetica, sans-serif""]ياعين هلي غزير الدمع ياعيني=على صديق فقدته ليلة العيد(0ي)

حبه مخالط دمي جوف الشرايني=طيبه تعدى الحدود ودايم يزيد(ي)
يلبس من الجود تاجه والنياشيني=ويحفظ عهود ومواثيق ومواعيد(ي)
ايمينه ايمين حتى ايساره ايميني=مايشبهه في عطاه الا الاجاويد(ي)
راعي وفا للضعوف وللمساكيني=كم فك ضيقة على المضهود بالقيد(ي)
سمته حياوي على مافيه من ديني=شهادة قلتها بالحق واعيد(ي)
الله يرحمك ياراع النبا الزيني=ياراعي الوافية ماقال مابيدي
الطيب يبقى بعد راعيه بسنيني=ماحتاج رخصة ولا محتاج تمديد(ي)
يبكيك من يعرفك بالعسر والليني=ويبكيك عود فقدك وقال ياوليدي
والدار تبكي ويبكيك المعزيني=ويبكيك ربعك قريب الدار وبعيد(ي)
ويبكن بناتك على فرقاك ثنتيني=ويبكيك طفل بعد في سن تمهيدي
ويبكي عليك القلم ويقول واسيني=ويبكيك قسمك عليك بدون تحديد(ي)

يارب تغفر لبو سلمان اميني=وتخلده في جنان الخلد تخليد(ي)[/POEM]



والقصيدة شيلتها باحدطروق الهجيني فاقتضت الضرورة وجود ياء تحل محل الكسرة

الله يرحمة ويغفر لنا وله

ويعوضه بدار خيراً من داره واهلا خيرا من أهله

ويصبر من يعز عليهم فراقه

الله اغفر لبو سلمان ...وأسكنه فسيح جنتك

وافي يا النجم...وقصيدة وجدانية مؤثرة..

والدنيا بخير ما دام فيها من أمثالك ..