[POEM="type=1 bkcolor=#33CCCC color=#000000 font="bold x-large 'Traditional Arabic', Arial, Helvetica, sans-serif""]جدّ جِدّ القصيد وشبّ روس الفتايل =وهلّ برقه وهلّت به مزون القريحة
هاج بحره على شاطيه صايل وجايل=لاقصيدي رخيص ولاهجوسي شحيحة
كان باح الصبر غيره حلول وبدايل=تعدل اللي تجرّا والحمى يستبيحه
آخر الوقت تطمعنا سروح القوايل=لاوستين كلاّ ياالوجيه القبيحة
منكرين الجوار وناكرين الجمايل=لاردعهم ضمير ولاهدتهم نصيحة
باعوا نفوسهم للي تطف المكايل=دجّنوهم وساقوهم مساق الصطيحة
مايدنّس ثرانا كل غاوي وعايل=دونها ارواحنا وقلوبنا مستريحة
مادريتوا باهل بيشة وعرعر وحايل=واهل طيبة ونجد وكل بقعة فسيحة
ومنعة أم القرى والا السراة ومحايل=من نواها بمكر امسى وهو في ضريحه
كلنا شخص واحد من شعوب وقبايل=نردع المعتدي وننزّله في مطيحه
لوتقوم القيامة ماغدينا ذلايل=نطبق الطاق والبارود جنب القديحة
ماعليكم مخافة ياكرام الشمايل=أعلنوها على الغاوي ثمانين صيحة
ولعوها عليهم من يمين وشمايل=واتركوهم كما المتردّية والنطيحة
من تطاول ومدّ ايده لجمر الملايل=ماتجيه ايده الاّ من لظاها جريحة
ومن تعدّى حدوده ذاق مرّ الهوايل=وانتهت به تحت نصب القبر والصفيحة
أشبعي ياسباع البرّ قوم الفعايل= قدّموا واجبك وافي ذبيحة ذبيحة
"الله أكبر" على الخاين عديم الدلايل=رددوها على راسه عبارة صريحة[/POEM]

ملحوظة للإدارة :
منسق القصائد الشعرية السابق أفضل من الموجود حاليا
ياليت ترجعونه
شكرا لكم

صح لسانك ابدعت

يا ابـــا عادل
مدد بلا عدد

هلا والله بابوعادل اسفرت وانورت

صح لسانك مافيك حيلة

بيض الله وجهك يا شاعرنا

كفيت ووفيت

ابدعت يا ابا عادل

وليس الابداع عليك بغريب

وانت الذي تنصاع لك القوافي وتطيعك المفردات

وهذا هو وقتها من شاعر بقامتك ايها المميز

ولقد اجدت في طرحك وقدمت صورا شعرية لما قدمه جنودنا البواسل

ولما هو عليه حال الخونة المعتدين

لافض فوك ايها الشاعر المبدع

الله وكبر على الخا ين
نعم اباعادل الف تكبيرة والف لعنه
جدت واوفيت