منتديات بلاد ثمالة - سبع المثاني

مانيب حـي الله ولانيـب مغـرور
أعرف مقامي زين وأعـرف مكانـي
ماني على بعض السواليـف مجبـور
عشر الدقايق غيـر عشـر الثوانـي
إل/خاطري سجه إليا ضاقت البـور
وإليـا تسـاوى عزهـا و الهوانـي
أضرب على عرض البحر سبعة ابحور
وأضرب على أفعـال الثلاثـه ثمانـي
وأسدل ستار الروح وأحصن السـور
وأرى في نفسي غيـر ماهـي ترانـي
في حضرت المحظور مانيـب محظـور
وفي حضرت المسموح مانيـب ثانـي
أكفخ سما عن ما خفا وأرسل النـور
ولله شكـري والفضـل و امتنانـي
سبحان من خلقه من ايام و اشهـور
وسبحان من قـدر مصايـب زمانـي
عرفت من دنيا العنا صكـة الجـور
وحفظتها عن ظهـر قلـب ابلسانـي
يا حي رأس اللي على طيب مذكـور
وياحـي رأس القافـيـه والمعـانـي
يمناك لا مدت عطـا غيـر ميسـور
لاتأمـن اليسـرى تشـح و تعانـي
وعينك إليا شالت من الناس مكسور
اصبر علـى المجنـي يودعـك جانـي
ثم بعدها دور من احساسك اشعـور
تشعر معـه بإنـك تعيـش بأمانـي
مأجور من خوفك و مأجور مأجـور
درس الكيان و درس هـدم الكيانـي
نصفك حقيقي ,, ونصفك يمثل الدور
لا قاصي(ن) منـك ولامنـك دانـي
جرحك وهو جرحك من الظلم والزور
يقراء عليك أحيـان سبـع المثانـي
من ورطك بالحزن يضحك ومسـرور
أرضيته لكن انك خسـرت التفانـي
أسير ومظلوم(ن) وحي(ن) و مقبـور
هذا على شانـك و هـذا عشانـي
أي طيبـه وأي التضحيـه وأي معـذور
فات الأوان وحـان وقـت الأذانـي
ما من جديد ان طحت ميت ومغدور
فيما بـلاك الوقـت قبلـك بلانـي
ما آمر على عبد(ن) ضعيف ومأمـور
يفنى وأنا بأفنـى وكـل شـئ فانـي
عداك عيب و لا حصل منك اقصـور
فيمـا حبـاك الله مثلـك حبـانـي
مانيب حـي الله ولا نيـب مغـرور
أرى في نفسي مثل مـا انتـه ترانـي