|
عين المصيف
قال ابن سلمان أنا قلبـي محاصر بين ضلعيـن .............لو ما ضلوعـي يطير القلب طيـرات الشـراره وإلا كما سايل شعاب الكفـو من بين سوميـن ............يمشـي على ما يريد بدون رخصـه واستمـاره وإلا كما سيـل جـده يوم سيّـل قبل شهريـن ............شال المبانـي وشال السوق وعروض التجـاره ويا قايل الشعر بيت الشعر له سده وبابين ...............باب على الهاوية والباب الاخر في صداره والكلمـه الطيبـه تنحـط دايـم بين قوسيـن ..............يقلونها أهل العقـول الراسيـه بـدو وحضـاره هاضـت عليّه هواجيسـي ونحكي بيننا بيـن ..............وتقـول تمشي معي وإلا نحطـك في الخفـاره وقلت أنا تعرفيني من رجال تقضي الدين .......................الحكم لله لكن الحر تكفيه الاشـــارة يا عين وادي علق لابد لك من يـوم تحيـيـن ................تحيـيـن يا عين في وادي علق بعـد العمـاره أصحابك الي هنا مدري هنا مـدري هنا ويـن ...............راحـوا وخلـوك وأصبحتـي نثيـل بلا جـداره الله يسقيـك في وادي علق ونقـول يا عيـن ..................ويبشروني عيـال الشيـخ وأعطيهـم بشـاره أبو محمد عريـب الجـد مفتـول الذراعيـن .................يستاهـل المـدح والتقديـر من جـد وجـــداره يا ليت ولياك في الديـره بغير اسمك تسميـن .................ونقـول عيـن المصيـف معمرينـك بالحجـاره لك حق واجب يقولون العرب يا حظك الزيـن ...............جيرانـك أهل الفـراع أحيوك ما خلـو قصـاره يقول حمـاد أنا ما رايح أرضى لين ترضيـن .................وإن كان يا عين ما ترضيـن أبتحمـل خسـاره ويقول حماد أنا عازم على مشـروع يوميـن ................واستغرقـت يوم واحد حـظ مـدري بالشطـاره ويقول حماد أنا أبغى حط فوق الجهد جهديـن .................في حشمة العيـن تكرم في المدينـه كل حـاره |
رد: عين المصيف
صح لسانك يبن سلمان
حكم ودرر من الشعر اجدها منثورة هنا متعك الله بالصحه والعافيه |
رد: عين المصيف
نشكرك على ماتقدم ياعم عوض
لن يكون تعليقي إلا من ناحيه شرعيه في شطر واحد الحكـم لله ولـك والـحـر تكفيـه الإشــاره الواو هذه جعلت هناك مساواه الحكـم لله ثم لك والـحـر تكفيـه الإشــاره وفي الأصل لو كتبت ثم لكانت أفضل ومادمت معنا في هذا المنتدى فهذا هو الأفضل والأفضل الله يطول بعمرك |
رد: عين المصيف
صح لسانك يا بن سلمان ...
قصيده غايه في الروعه والجمال .. بارك الله فيك .. |
رد: عين المصيف
صح لسانك .. ملايين يابو شرف .. حكيم وما تقول الا حكم الله يطول بعمرك ويديم عزك |
رد: عين المصيف
صح لسانك .. ملايين يابو شرف .. |
رد: عين المصيف
صح لسانك يا عم عوض
وأبو محمد من الرجال اللي عرفتهم خويا درب لك والله يجزاه كل خير عن فعله |
رد: عين المصيف
بيض الله وجهك يا أبو شرف صح لسانك..ولا عدمناك |
الله الله يابن سلمان ياسلام ياسلام بيض الله وجهك على القصيده اللي تبسط من قراها وانشاء الله يجيك الرد
|
رد: عين المصيف
الشكر لكل من شرفني بالحضور والتواصل هنا
|
| الساعة الآن 04:43 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by